നിഷാല് കള്ളംപറയുന്നു: ഗണേഷ് കുമാര്
കോട്ടയം: കാവ്യാമാധവന്റെ വിവാഹമോചനക്കേസുമായി ബന്ധപ്പെട്ടു താന് ഇടപെട്ടതു നിഷാല്ചന്ദ്രയുടെ വീട്ടുകാര്കൂടി അഭ്യര്ഥിച്ചിട്ടാണെന്നും ഒരിക്കല്പ്പോലും ഇക്കാര്യത്തിനു നിഷാലിനെ വിളിച്ചിട്ടില്ലെന്നും കെ. ബി. ഗണേഷ്കുമാര് എംഎല്എ പറഞ്ഞു.
നിഷാലിന്റെ കുടുംബസുഹൃത്ത് കുവൈത്തിലെ വ്യവസായി ആര്. സി. സുരേഷ് മുന്കയ്യെടുത്തു രണ്ടുകൂട്ടരുടെയും അഭിഭാഷകര് സഹിതം തിരുവനന്തപുരത്താണു ചര്ച്ചനടത്തിയത്. പരസ്പരം വിഴുപ്പലക്കലുകള് വേണ്ടെന്നും ഇരുകൂട്ടരും പൂര്ണസമ്മതത്തോടെ ബന്ധം പിരിയുകയാണെന്നും അന്നു തീരുമാനമെടുത്തിരുന്നു.പരസ്പരം ആരോപണങ്ങള് ഉന്നയിക്കരുതെന്ന ധാരണ കാവ്യാമാധവന് പാലിക്കുകയും നിഷാല് നിരന്തരം ആരോപണങ്ങള് ഉന്നയിക്കുകയും
ചെയ്യുകയാണിപ്പോള്.
മധ്യസ്ഥതയുടെ തീരുമാനങ്ങള് ലംഘിച്ചപ്പോഴാണു കാവ്യാമാധവന് കേസ് നല്കിയത്. നിഷാലിനെ ഒരിക്കല്പ്പോലും അങ്ങോട്ടു വിളിക്കാത്ത താന് എങ്ങനെ അയാളെ ഭീഷണിപ്പെടുത്തുമെന്നു ചോദിച്ച ഗണേഷ്, നിഷാലിന്റെ പ്രസ്താവനകള് പച്ചക്കള്ളമാണെന്നും പറഞ്ഞു.
|
|
|
|
|
|
|
|
|
|
|
|
|