കോട്ടയം: മുല്ലപ്പെരിയാറില്‍ കേരളം പുതിയ അണക്കെട്ട്‌ നിര്‍മ്മിക്കുന്ന കാര്യത്തില്‍ മാറ്റമില്ലെന്ന്‌ പൊതുമരാമത്ത്‌ വകുപ്പ്‌ മന്ത്രി പി.ജെ.ജോസഫ്‌ പറഞ്ഞു.മാനുഷിക പരിഗണനവെച്ച്‌ മുല്ലപ്പെരിയാറില്‍ പുതിയ ഡാം നിര്‍മിക്കാന്‍ തമിഴ്‌നാട്‌ കേരളവുമായി സഹകരിക്കണം. മുല്ലപ്പെരിയാര്‍ പ്രശ്‌നം കോടതിയുടെ പരിഗണനയിലിരിക്കുന്നതിനാല്‍ പ്രധാനമന്ത്രിക്ക്‌ ഇടപെടാനാവില്ലെന്നും ജോസഫ്‌ പറഞ്ഞു.

ഇന്ന്‌ തമിഴ്‌നാട്‌ മുഖ്യമന്ത്രി ജയലളിത പ്രധാനമന്ത്രിയെ സന്ദര്‍ശിച്ച്‌ പ്രശ്‌നത്തില്‍ ഇടപെടണമെന്ന്‌ അറിയിച്ചിരുന്നു.