Image

മലങ്കര ആര്‍ച്ച്‌ ഡയോസിസ്‌ കണ്‍വെന്‍ഷന്‌ ന്യൂയോര്‍ക്കില്‍ 21-ന്‌ തിരിതെളിയും

ജോയിച്ചന്‍ പുതുക്കുളം Published on 21 July, 2011
മലങ്കര ആര്‍ച്ച്‌ ഡയോസിസ്‌ കണ്‍വെന്‍ഷന്‌ ന്യൂയോര്‍ക്കില്‍ 21-ന്‌ തിരിതെളിയും
ന്യൂയോര്‍ക്ക്‌: സിറിയന്‍ ഓര്‍ത്തഡോക്‌സ്‌ സഭയുടെ അമേരിക്കയിലെ മലങ്കര ആര്‍ച്ച്‌ ഡയോസിസിന്റെ ആഭിമുഖ്യത്തില്‍ നടത്തപ്പെടുന്ന 21-മത്‌ ഫാമിലി കോണ്‍ഫറന്‍സ്‌- കണ്‍വെന്‍ഷന്‍ ജൂലൈ 21-ന്‌ വ്യാഴാഴ്‌ച വൈകുന്നേരം ന്യൂയോര്‍ക്കിലെ കെര്‍ഹോങ്ക്‌സണിലുള്ള ഹഡ്‌സണ്‍വാലി റിസോര്‍ട്ടില്‍ തിരശ്ശീല ഉയരും. മലങ്കര അതിഭദ്രാസനാധിപനും പാത്രിയര്‍ക്കാ വികാരിയുമായ ആര്‍ച്ച്‌ ബിഷപ്പ്‌ യല്‍ദോ മോര്‍ തീത്തോസ്‌, മലങ്കര സഭയിലെ സിംഹാസന പള്ളികളുടെ ചുമതല വഹിക്കുന്ന മലേക്കുരിശ്‌ ദയാറാധിപന്‍ അഭിവന്ദ്യ കുര്യാക്കോസ്‌ മോര്‍ ദിയോസ്‌കോറസ്‌ മെത്രാപ്പോലീത്ത, മലങ്കരയിലെ സീനിയര്‍ മെത്രാപ്പോലീത്ത ഡോ. ഏബ്രഹാം സേവേറിയോസ്‌, അമേരിക്കയിലെ ക്‌നാനായ ആര്‍ച്ച്‌ ഡയോസിസ്‌ അധിപനും പാത്രിയാര്‍ക്കാ വികാരിയുമായ ആര്‍ച്ച്‌ ബിഷപ്പ്‌ ആയൂബ്‌ മോര്‍ സില്‍വാനോസ്‌ എന്നിവര്‍ നാലുദിനം നീളുന്ന കണ്‍വെന്‍ഷന്‌ നേതൃത്വം നല്‍കും. ഭദ്രാസന കൗണ്‍സില്‍ അംഗങ്ങള്‍ വിവിധ കമ്മിറ്റികളുടെ ചുമതല വഹിക്കുന്നു.

ഭദ്രാസന ട്രഷറര്‍ സാജു പൗലോസ്‌ സി.പി.എ, ഭദ്രാസന ജോയിന്റ്‌ സെക്രട്ടറി റവ. ഫാ. പോള്‍ തോട്ടയ്‌ക്കാട്‌ എന്നിവര്‍ ജനറല്‍ കണ്‍വീനര്‍മാരായി പ്രവര്‍ത്തിക്കുന്നു. 26-മത്‌ കണ്‍വെന്‍ഷന്റെ മുഴുവന്‍ ഒരുക്കങ്ങളും പൂര്‍ത്തിയായതായി ഭദ്രാസന സെക്രട്ടറി വെരി റവ. ഏബ്രഹാം കടവില്‍ കോര്‍എപ്പിസ്‌കോപ്പ അറിയിച്ചു. ബിജു ചെറിയാന്‍ (പബ്ലിസിറ്റി കോര്‍ഡിനേറ്റര്‍), ജോബി ജോര്‍ജ്‌ (ഭദ്രാസന വക്താവ്‌) എന്നിവര്‍ അറിയിച്ചതാണിത്‌.
മലങ്കര ആര്‍ച്ച്‌ ഡയോസിസ്‌ കണ്‍വെന്‍ഷന്‌ ന്യൂയോര്‍ക്കില്‍ 21-ന്‌ തിരിതെളിയും
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക