ജയ്‌പുര്‍: സ്വീകരണച്ചടങ്ങിനിടെ പ്രവര്‍ത്തകര്‍ നല്‍കിയ പരുത്തി ഷാള്‍ ഉപയോഗിച്ച്‌ ചെരുപ്പ്‌ തുടച്ച മന്ത്രിയുടെ നടപടി വിവാദത്തില്‍. കേന്ദ്ര ഗ്രാമവികസനമന്ത്രി ജയ്‌റാം രമേശാണ്‌ രാജസ്ഥാനിലെ ബിക്കാനീറില്‍ കോണ്‍ഗ്രസ്‌ പ്രവര്‍ത്തകര്‍ നല്‍കിയ സ്വീകരണത്തിനിടെ നല്‍കിയ ഷാള്‍ വെച്ചാണ്‌ മന്ത്രി ചെരിപ്പ്‌ തുടച്ചത്‌. പരുത്തിഷാള്‍ ഗാന്ധിജിയുടെ നെയ്‌ത്ത്‌ യന്ത്രത്തിന്റെ പ്രതീകമാണ്‌. ഗാന്ധിജിയെയാണ്‌ ജയ്‌റാം രമേഷ്‌ അപമാനിച്ചത്‌ ബി.ജെ.പി. നേതാക്കള്‍ പറഞ്ഞു.സംഭവത്തില്‍ ശക്തമായി പ്രതിഷേധിച്ച ബി.ജെ.പി. സംസ്ഥാനപ്രസിഡന്‍റ്‌ അരുണ്‍ ചതുര്‍വേദി, കേന്ദ്രമന്ത്രിയും മുഖ്യമന്ത്രി ഗെഹ്‌ലോട്ടും മാപ്പുപറയണമെന്ന്‌ ആവശ്യപ്പെട്ടു.