Image

അഗസ്റ്റാ സെന്റ്‌ മേരീസ്‌ ദേവാലയത്തില്‍ ശൂനോയോ പെരുന്നാള്‍

ജോയിച്ചന്‍ പുതുക്കുളം Published on 29 July, 2011
അഗസ്റ്റാ സെന്റ്‌ മേരീസ്‌ ദേവാലയത്തില്‍ ശൂനോയോ പെരുന്നാള്‍
ജോര്‍ജിയ: അഗസ്റ്റയിലെ സെന്റ്‌ മേരീസ്‌ സിറിയന്‍ ഓര്‍ത്തഡോക്‌സ്‌ ദേവാലയത്തില്‍ വിശുദ്ധ ദൈവമാതാവിന്റെ നാമത്തിലുള്ള ശൂനോയോ പെരുന്നാള്‍ ഓഗസ്റ്റ്‌ 13,14 തീയതികളിലായി ആഘോഷിക്കും. റവ.ഫാ. ഗീവര്‍ഗീസ്‌ തോമസ്‌ ചട്ടത്തില്‍ (ന്യൂയോര്‍ക്ക്‌) പെരുന്നാള്‍ ശുശ്രൂഷകള്‍ക്ക്‌ മുഖ്യകാര്‍മികത്വം വഹിക്കും. ഇടവക വികാരിയും മലങ്കര ആര്‍ച്ച്‌ ഡയോസിസ്‌ വൈദീക സെക്രട്ടറിയുമായ റവ.ഫാ. മാത്യൂസ്‌ ഇടത്തറ പെരുന്നാള്‍ ക്രമീകരണങ്ങള്‍ക്ക്‌ നേതൃത്വം നല്‍കും.

ഓഗസ്റ്റ്‌ 13-ന്‌ ശനിയാഴാച വൈകുന്നേരം ഏഴുമണിക്ക്‌ പെരുന്നാള്‍ പതാക ഉയര്‍ത്തും. സന്ധ്യാ പ്രാര്‍ത്ഥനയെ തുടര്‍ന്ന്‌ ഫാ. ഗീവര്‍ഗീസ്‌ ചട്ടത്തില്‍ നയിക്കുന്ന സുവിശേഷ പ്രഭാഷണം. പ്രധാന പെരുന്നാള്‍ ദിനമായ ഓഗസ്റ്റ്‌ 14-ന്‌ ഞായറാഴ്‌ച 8.45-ന്‌ പ്രഭാത പ്രാര്‍ത്ഥനയും 9.30-ന്‌ വിശുദ്ധ കുര്‍ബാനയും നടത്തുന്നതാണ്‌. ആഘോഷമായ റാസ, നേര്‍ച്ചവിളമ്പ്‌, ലേലം, കൊടിയിറക്കല്‍, സ്‌നേഹവിരുന്ന്‌ എന്നിവയാണ്‌ ഇതര ചടങ്ങുകള്‍.

വിശുദ്ധ ദൈവമാതാവിന്റെ തിരുനാളില്‍ പങ്കുചേരുവാന്‍ വിശ്വാസികള്‍ ഭക്തിയോടെ എത്തിച്ചേരണമെന്ന്‌ ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക്‌: റവ.ഫാ. മാത്യൂസ്‌ ഇടത്തറ (ഇടവക വികാരി) 706 868 7626, ജോണ്‍ മണലൂര്‍ (സെക്രട്ടറി), പി.സി. ഏബ്രഹാം (ട്രഷറര്‍). ബിജു ചെറിയാന്‍ (പി.ആര്‍.ഒ, മലങ്കര ആര്‍ച്ച്‌ ഡയോസിസ്‌) അറിയിച്ചതാണിത്‌.
അഗസ്റ്റാ സെന്റ്‌ മേരീസ്‌ ദേവാലയത്തില്‍ ശൂനോയോ പെരുന്നാള്‍
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക