ഡാളസ് : 2011 ആഗസ്റ്റ് 5, 6, 7 തീയ്യതികളില്
ഡാളസ്സില് നടക്കുന്ന ഫൊക്കാന യൂത്ത് കണ്വന്ഷനില് പങ്കെടുക്കുന്നതിന്
അമേരിക്കയുടെ വിവിധ സംസ്ഥാനങ്ങളില് നിന്നും എത്തിച്ചേരുന്ന പ്രതിനിധികളെ
സ്വീകരിക്കാന് ഡാളസ് നഗരം ഒരുങ്ങി കഴിഞ്ഞതായി യൂത്ത് കോര്ഡിനേറ്റര്മാരായ
ബെന്സി ബോബന് , മെല്വിന് എബ്രഹാം, അനു ജോസഫ്, അരുണന് സൈമണ് , ഷീബാ
സാമുവേല് എന്നിവര് അറിയിച്ചു.
പ്രകൃതിമനോഹരമായ ജൂപിറ്റര് റോഡിലുള്ള റാഡിസണ് ഹോട്ടലിലാണ്
പ്രതിനിധികള്ക്കുള്ള താമസസൗകര്യങ്ങളും, പരിപാടികളും
തയ്യാറാക്കിയിരിക്കുന്നത്.
കള്ച്ചറല് സെമിനാര് , കരിയര് സെമിനാര് , കലാമത്സരങ്ങള് ,
ബാങ്ക്വറ്റ്, പിക്ക്നിക്ക്, സ്പോര്ട്ട്സ്, ഗെയിംസ് തുടങ്ങി നിരവധി
പരിപാടികളാണ് യൂത്ത് കണ്വന്ഷനില് അരങ്ങേറുക.
കേരള അസ്സോസിയേഷന് ഓഫ് ഡാളസ് കമ്മിറ്റിയാണ് ഈ വര്ഷത്തെ യൂത്ത് കണ്വന്ഷനിന് ആതിഥേയത്വം വഹിക്കുന്നത്.
കേരള അസ്സോസിയേഷന് 'സ്വന്തമായൊരു കെട്ടിടം' എന്ന സ്വപ്നം യാഥാര്ത്ഥ്യമായ ഈ
വര്ഷം അസ്സോസിയേഷന് ആതിഥേയത്വം വഹിക്കുന്ന ഈ കണ്വന്ഷന് ഒരു ചരിത്ര
സംഭവമാക്കി തീര്ക്കുമെന്ന് അസ്സോസിയേഷന് ഭാരവാഹികളായ മാത്യൂ കോശി,
ഹരിദാസ് തങ്കപ്പന് , ബോബന് കൊടുവത്ത്, ഐ.വര്ഗ്ഗീസ്,
പി.ടി.സെബാസ്റ്റ്യന് എന്നിവര് പറഞ്ഞു.