ജയ്പുര്: ദേശീയഗാനമായ ജനഗണമനയിലെ 'അധിനായക' എന്ന പ്രയോഗം ഒഴിവാക്കണമെന്ന് രാജസ്ഥാന് ഗവര്ണര് കല്യാണ് സിങ്ങ്. രവീന്ദ്രനാഥ ടാഗോര് രചിച്ച ഗാനത്തിലെ അധിനായക പ്രയോഗം ബ്രീട്ടിഷ് രാജാവിനെ സ്തുതിക്കുന്നതാണെന്നും അതിനു പകരം 'മംഗള ജയഹേ' എന്നു ചേര്ത്താല് മതിയാകുമെന്നും അദ്ദേഹം അഭിപ്രായപ്പെട്ടു. രാജസ്ഥാന് സര്വകലാശാലയുടെ ബിരുദദാനച്ചടങ്ങില് സംസാരിക്കുകയായിരുന്നു അദ്ദേഹം.
ടാഗോറിനെ എനിക്ക് ഏറെ ബഹുമാനമാണ് പക്ഷേ, അദ്ദേഹമെഴുതിയ ദേശീയ ഗാനത്തിലെ അധിനായക എന്ന വാക്ക് മാറ്റേണ്ടതുണ്ട്. യു.പി.യിലെ മുന്മുഖ്യമന്ത്രി കൂടിയായ കല്യാണ് സിങ് പറഞ്ഞു. ഗവര്ണര്മാരെ യുവര് എക്സലന്സി എന്നു വിശേഷിപ്പിക്കുന്നതൊഴിവാക്കി മാനനീയ എന്നു വിശേഷിപ്പിച്ചാല് മതിയാവും ചടങ്ങിനിടെ അദ്ദേഹം പറഞ്ഞു. അക്ബറെ മഹാന് എന്നു വിശേഷിപ്പിക്കുമ്പോള് എന്തുകൊണ്ട് റാണാ പ്രതാപിനെ മഹാന് എന്നു വിളിക്കുന്നില്ല എന്ന അദ്ദേഹത്തിന്റെ പ്രസ്താവന ഈയിടെ വാര്ത്തകളില് ഇടം പിടിച്ചിരുന്നു.
വിക്ടോറിയ രാജ്ഞിയല്ല മഹതി. ഝാന്സിയിലെ റാണിയാണ്. ഔറംഗസീബല്ല മഹാന് ശിവജിയാണ്. അദ്ദേഹം പറഞ്ഞു. ഇതിനിടെ ബിരുദദാനച്ചടങ്ങുകളില് പരമ്പരാഗതമായ കറുത്തവസ്ത്രം ഒഴിവാക്കി വെളുത്തവസ്ത്രമാക്കാനുള്ള രാജസ്ഥാന സര്ക്കാറിന്റെ തീരുമാനം അദ്ദേഹം സ്വാഗതം ചെയ്യുകയും ചെയ്തു.
FWD: __by Prof. Monish R. Chatterji Ph.D., SUNY, Binghamton, NY, USA