Image

വിനീതിന്റെ അടുതത് ചിത്രത്തിലും നിവിന്‍ പോളി തന്നെ നായകന്‍

Published on 20 August, 2015
വിനീതിന്റെ അടുതത് ചിത്രത്തിലും നിവിന്‍ പോളി തന്നെ നായകന്‍


സൂപ്പര്‍ ഹിറ്റുകളുടെ അമരക്കാരായ വിനീത് ശ്രീനിവാസനും നിവിന്‍ പോളിയും വീണ്ടും ഒന്നിക്കുന്നു. വിനീത് ശ്രീനിവാസന്‍ രചനയും സംവിധാനവും നിര്‍വ്വഹിക്കുന്ന പുതിയ ചിത്രത്തില്‍ നായകനാകുന്നത് നിവിന്‍പോളിയാണ്.വിനീത് സംവിധായകനായ മലര്‍വാടി ആര്‍ട്‌സ് ക്ലബ്ബിലൂടെയായിരുന്നു നിവിന്റെ അരങ്ങേറ്റം. തുടര്‍ന്ന് വിനീതിന്റെ തട്ടത്തിന്‍ മറയത്തില്‍ നായകനായ നിവിന്‍ താരപദവിയുടെ ആദ്യപടി കടന്നത് ആ ചിത്രത്തിലൂടെയായിരുന്നു. 

വിനീതിന്റെ തിരക്കഥയില്‍ നവാഗതനായ ജി. പ്രജിത്ത് സംവിധാനം ചെയ്ത ഒരു വടക്കന്‍സെല്‍ഫിയിലും നിവിന്‍ തന്നെയായിരുന്നു നായകന്‍. തട്ടത്തിന്‍ മറയത്തിനേക്കാള്‍ വലിയ പണം വാരിപ്പടമായിരുന്നു വടക്കന്‍ സെല്‍ഫി.
തിരക്കഥയെഴുതി, സംവിധാനം ചെയ്യുന്ന പുതിയ ചിത്രത്തില്‍ നായകവേഷം കൂടി അവതരിപ്പിക്കുവാനായിരുന്നു വിനീതിന്റെ തീരുമാനം. പക്ഷേ ഒടുവില്‍ വിനീതിന്റെ പ്രിയനായകനും ഭാഗ്യനായകനുമായ നിവിന്‍ പോളിക്ക് നറുക്ക് വീഴുകയായിരുന്നു.
പുതിയ ചിത്രത്തിന്റെ തിരക്കഥ പൂര്‍ത്തിയാക്കുന്ന തിരക്കിലാണ് വിനീത് ശ്രീനിവാസന്‍ ഇപ്പോള്‍. 

എബ്രിഡ് ഷൈന്‍ സംവിധാനം ചെയ്യുന്ന ആക്ഷന്‍ ഹീറോ ബിജു പൂര്‍ത്തിയാക്കിയശേഷം നവാഗതനായ അല്‍ത്താഫിന്റെ ചിത്രത്തിലാണ് നിവിന്‍ അഭിനയിക്കുന്നത്. പ്രേമത്തില്‍ അല്‍ത്താഫ് ശ്രദ്ധേയമായൊരു വേഷമവതരിപ്പിച്ചിട്ടുണ്ട്. അല്‍ത്താഫ് ചിത്രത്തിന് ശേഷം വിനീത് ശ്രീനിവാസന്‍ നിവിന്‍പോളി ചിത്രം തുടങ്ങുമെന്നാണ് സൂചന.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക