ബെര്ലിനിലെ കാറല് മാക്സ് - ഫ്രീഡിറിച്ച് എന്ജെല് പ്രതിമകള് നീക്കം ചെയ്യുന്നു
ജോര്ജ് ജോണ്Published on 21 January, 2012
ബെര്ലിന് : ജര്മന് തലസ്ഥാനമായ ബെര്ലിന് നഗരത്തില് സ്ഥിതി ചെയ്യുന്ന
കമ്യൂണിസ്റ്റ് സിദ്ധാന്തകരായ കാറല് മാക്സ് - ഫ്രീഡിറിച്ച് എന്ജെല്
സ്മാരക പ്രതിമകള് നീക്കം ചെയ്യാന് ജര്മന് ട്രാന്സ്പോര്ട്ട് മന്ത്രി
പീറ്റര് റാംസവര് ഉത്തരവിറക്കി. ബെര്ലിന് നഗരസഭാ അധികാരികളോടാണ് ഈ
പ്രതിമകള് നഗര മദ്ധ്യത്തില് നിന്നും മാറ്റാന് മന്ത്രി പീറ്റര് റാംസവര്
ആവശ്യപ്പെട്ടിരിക്കുന്നത്. ജര്മന് പുനരേകീകരണത്തിന് മുമ്പ്
കമ്യൂണിസ്റ്റ് രാജ്യമായിരുന്ന കിഴക്കന് ജര്മനിയുടെ തലസ്ഥാനം കിഴക്കന്
ബെര്ലിന് ആയിരുന്നു. 1986 ല് ആണ് ഈ സ്മാരക പ്രതിമകള് ബെര്ലിന് നഗര
മദ്ധ്യത്തില് സ്ഥാപിച്ചത്. ഇവ നഗരത്തിലെ കിഴക്കന് അതിര്ത്തിയിലുള്ള
സ്മാരക സെമിറ്റെറിയിലേക്ക് മാറ്റാനാണ് മന്ത്രിയുടെ ഉത്തരവ്.
ഇതിനെതിരെ ജര്മനിയിലെ കമ്യൂണിസ്റ്റ് ചിന്താഗതി പാര്ട്ടി ലിങ്ക്സ്
നേതാക്കള് പ്രതിഷേധിച്ചു. കമ്യൂണിസ്റ്റ് സിദ്ധാന്തകരായ കാറല് മാക്സ് -
ഫ്രീഡിറിച്ച് എന്ജെല് പ്രതിമകള് നഗര മദ്ധ്യത്തില് നിന്നും
മാറ്റുന്നതോടെ പഴയ കിഴക്കന് ജര്മനിയിലെ കമ്യൂണിസ്റ്റ് ഭരണത്തിന്റെ
സ്മാരകം ഇല്ലാതാകും. അതോടൊപ്പം ജര്മനിയുടെ തലസ്ഥാനത്തെ പഴയകാല ചരിത്ര
പ്രതീകവും ഓര്മ്മയിലേക്ക് തള്ളപ്പെടും.
കാറല് മാക്സ് - ഫ്രീഡിറിച്ച് എന്ജെല് സ്മാരക പ്രതിമകള്
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല