ന്യു യോര്ക്ക്: അമേരിക്കന് മലയാളി സമൂഹത്തിനുഗണ്യമായ സംഭാവനകള് നല്കിയ
അംബാസഡര് ടി.പി. ശ്രീനിവാസനെ കയ്യേറ്റം ചെയ്തതില് ഓറഞ്ച്ബര്ഗ് സിറ്റാര്
പാലസില് ജനുവരി 29-നു ചേര്ന്ന ഫൊക്കാന അടിയന്തര യോഗം അമര്ഷം
രേഖപ്പെടുത്തി.
പ്രായമുള്ള ഒരു വ്യക്തി എന്ന പരിഗണന പോലും നല്കാന് കൂട്ടാക്കാത്ത
ചിന്താഗതികാട്ടിയത് കേരളത്തിനു തന്നെ അപമാനകരമായി. ആര്ക്കും ആരെയും
ആക്രമിക്കാം എന്ന സ്ഥിതി കേരളത്തിന്റെ സദാചാര ബോധത്തിനും നിയമ വാഴ്ചക്കും
വെല്ലുവിളി ഉയര്ത്തുന്നു- യോഗം വിലയിരുത്തി.
ട്രസ്റ്റി ബോര്ഡ് ചെയര് പോള് കറുകപ്പള്ളി, എക്സിക്യൂട്ടിവ് വൈസ്
പ്രസിഡന്റ് ഫിലിപ്പോസ് ഫിലിപ്പ്, ട്രഷറര് ജോയ് ഇട്ടന്, ജോ. സെക്രട്ടറി
ജോസഫ് കുരിയപ്പുറം, മുന് സെക്രട്ടറി ടെറന്സന് തോമസ്, മാധവന് നായര്,
ലൈസി അലക്സ്, അജിന് ആന്റണി, അലക്സ് തോമസ്, ജയിംസ് ഇളപുരയിടം, തോമസ്
കൂവല്ലൂര്, തുടങ്ങി ഒട്ടേറെ പേര് പങ്കെടുത്തു.