Image

അങ്ങനെ അച്ചു­മാ­മനും ഒരു­മൂ­ല­ക്കാ­യി (ലേഖ­നം: സാം നില­മ്പ­ള്ളില്‍)

Published on 20 May, 2016
അങ്ങനെ അച്ചു­മാ­മനും ഒരു­മൂ­ല­ക്കാ­യി (ലേഖ­നം: സാം നില­മ്പ­ള്ളില്‍)
കേര­ള­ത്തിലെ ഇല­ക്ഷന്‍ റിസല്‍ട്ട് കണ്ട­പ്പോള്‍ ഞെട്ടി­യെന്നോ ഞൊട്ടി­യെന്നോ പറ­യു­ന്ന­തില്‍ വലിയ അര്‍ത്ഥ­മൊ­ന്നു­മി­ല്ല. യുഡി­എഫും എല്‍ഡി­എഫും മാറി­മാറി അധി­കാ­ര­ത്തില്‍വ­രുന്ന ചരിത്രം ഒരി­ക്കല്‍കൂടി ആവര്‍ത്തി­ച്ചെ­ന്നേ­യു­ള്ളു. കുറ­ച്ചെ­ങ്കിലും അതി­ശ­യി­ക്കാ­നു­ള്ളത് യുഡി­എ­ഫിന്റെ അംഗ­സംഘ്യ വളരെ കുറ­ഞ്ഞു­പോയതാ­ണ്. ഭരി­ക്കാ­നുള്ള ഭൂരി­പക്ഷം കിട്ടു­മെന്ന് ഉമ്മന്‍ ചാണ്ടി­പോലും പ്രതീ­ക്ഷി­ച്ചു­കാ­ണി­ല്ല. എന്നാലും ഒപ്പ­ത്തി­നൊപ്പം നില്‍ക്കു­മെന്ന് അദ്ദേ­ഹവും മറ്റു­ള്ള­വരും കരു­തി­ക്കാണണം. യുഡി­എ­ഫിന്റെ തോല്‍വി­യുടെ വിശ­ക­ലനം ടീവി­യില്‍ പലരും നട­ത്തു­ന്നത് കേട്ട­പ്പോള്‍ വസ്തു­നി­ഷ്ട­മായത് അ­ല്ലല്ലോ എന്ന് തോന്നി­പ്പോ­യി. പലരും അവ­ര­വ­രുടെ രാഷ്ട്രീയ വീക്ഷ­ണ­ത്തില്‍കൂ­ട­ിയാണ് സത്യത്തെ നോക്കി­ക്ക­ണ്ട­ത്. ഭൂരി­പക്ഷം കിട്ടി­യി­ല്ലെ­ങ്കിലും അറ­ുപ­തി­ന­ടുത്ത് സീറ്റു­കള്‍ നേടാ­മാ­യി­രു­ന്നു.

കോണ്‍ഗ്രസ്സ് എന്ന മഹാ­പ്ര­സ്ഥ­ന­ത്തിന്റെ ഇന്നത്തെ അവ­സ്ഥ­യോര്‍ത്ത് ദുഃഖി­ക്കാ­തി­രി­ക്കാന്‍ കഴി­യില്ല. ഒരി­ക്കല്‍ ഇന്‍ഡ്യ­യിലെ എല്ലാ­സം­സ്ഥാ­ന­ങ്ങ­ളിലും കൊടി­കു­ത്തി­വാ­ണി­രുന്ന രാഷ്ട്രീ­യ­പ്ര­സ്ഥാ­ന­മാണ് ഇപ്പോള്‍ കര്‍ണാ­ട­ക­ത്തില്‍ മാത്ര­മായി അവ­ശേ­ഷി­ച്ചി­രി­ക്കു­ന്ന­ത്. അടുത്ത ഇല­ക്ഷ­നോ­ടു­കൂടി ആസം­സ്ഥാ­നവും നഷ്ട­പ്പെ­ടാ­നുള്ള സാധ്യത കാണു­ന്നു­ണ്ട്. എന്താണ് കോണ്‍ഗ്ര­സ്സിനെ ഈ അവ­സ്ഥ­യി­ലേക്ക് കൊണ്ടെ­ത്തി­ച്ചതെന്ന് ആലോ­ചി­ക്കു­ന്നത് ഉചി­ത­മാ­യി­രി­ക്കും. ബുദ്ധി­യി­ല്ലാത്ത നേതൃ­ത്വ­ത്തി­ലേ­ക്കാണ് എല്ലാ­വി­ര­ലു­കളും ചൂണ്ടു­ന്ന­ത്. കോണ്‍ഗ്ര­സ്സിനെ ഒരു കുടും­ബ­ത്തിന്റെ അടു­ക്ക­ള­പാര്‍ട്ടി­യാ­ക്കി­യ­താണ് കാത­ലായ കാരണം.
കുടും­ബ­ത്തിലെ ഇങ്ങേ­യ­റ്റത്തെ കണ്ണി­യായ ഒര­മ്മയും മക­നും­കൂ­ടി­യാണ് ഇന്‍ഡ്യ­മാ­ഹാ­രാ­ജ്യ­ത്തിന് സ്വാതന്ത്ര്യം നേടി­ത്തന്ന പാര്‍ട്ടിയെ നിയ­ന്ത്രി­ക്കു­ന്ന­ത്. മകന്‍ വേറെ­വല്ല പണിക്കും പോകു­ക­യല്ലേ നല്ല­തെന്ന് അദ്ദേഹ­ത്തിന്റെ പ്രവൃ­ത്തി­കള്‍ കണ്ടാല്‍തോ­ന്നി­പ്പോ­കും.

വി.എം. സുധീ­രനെ കെ.­പി.­സി.­സി­യുടെ തല­പ്പത്ത് കെട്ടി­വെ­ച്ച­തുതന്നെ ഉദാ­ഹ­ര­ണം. കേരളത്തിലെ പരാ­ജ­ത്തിന് കാര­ണ­ക്കാ­രന്‍ സുധീ­ര­നാ­ണെന്ന് കോണ്‍ഗ്ര­സ്സു­കാര്‍തന്നെ പറ­ഞ്ഞു­തു­ട­ങ്ങി­യ­ട്ടു­ണ്ട്. സര്‍ക്കാ­രിനെ തല്ലാന്‍ അവ­സരം നോ­ക്കി­യി­രുന്ന പ്രതി­പ­ക്ഷ­ത്തിന് വടി­കൊ­ടു­ത്താണ് കെപി­സിസി പ്രസി­ഡണ്ട് വില്ല­നാ­യ­ത്. കെ.­ബാ­ബു­വും, അടൂര്‍ പ്രകാശും മറ്റും അഴി­മ­തി­ക്കാ­രാ­ണെന്ന് കെപി­സിസി പ്രസി­ഡ­ണ്ടു­തന്നെ പറ­ഞ്ഞാല്‍ ജനം വിശ്വ­സി­ക്കാ­തി­രി­ക്കു­മോ? ബാബു­വിനും ഡോമി­നിക്ക് പ്രസ­ന്റേ­ഷനും സുധീ­രന്റെ അനു­ഭാ­വി­കള്‍ വോട്ടു­ചെ­യ്തി­ട്ടി­ല്ലെ­ന്നാണ് മന­സി­ലാ­ക്കേ­ണ്ട­ത്. തന്റെ മന്ത്രി­സ­ഭ­യിലെ സഹ­പ്ര­വര്‍ത്ത­കരെ സംര­ക്ഷി­ക്കാന്‍ ഉമ്മന്‍ ചാണ്ടി കാണിച്ച ധീര­തയെ വെള്ളാ­പ്പള്ളി നടേ­ശന്‍വരെ അഭി­ന­ന്ദി­ച്ചി­ട്ടു­ണ്ട്.

ഒരു­നുണ പത്തു­പ്രാ­വശ്യം പറ­ഞ്ഞാല്‍ സത്യ­മാ­ണെന്ന് കുറെ­പ്പേ­രെ­ങ്കിലും വിശ്വ­സിക്കും എന്ന ഗീബല്‍സി­യന്‍ തന്ത്ര­മാണ് ഇട­തു­പക്ഷം പരീ­ക്ഷി­ച്ച­ത്. അച്ചു­താ­ന­ന്ദന്‍ നുണ­പ­റഞ്ഞും മിമിക്രി അവ­ത­രി­പ്പിച്ചും കേര­ളം­മൊത്തം നട­ന്നു. ആരോ­പ­ണ­ങ്ങള്‍ ഉന്ന­യി­ച്ച­ത­ല്ലാതെ ഒരെ­ണ്ണം­പോലും തെളി­യി­ക്കാന്‍ പ്രതി­പ­ക്ഷ­ത്തിനാ­യി­ല്ല. അടി­സ്ഥാ­ന­ര­ഹി­ത­മായ ആരോ­പ­ണ­ങ്ങ­ളു­ടെ­പേ­രില്‍ സമ­ര­ങ്ങളും ഹര്‍ത്താ­ലു­കളും സെക്ര­ട്ട­റി­യേറ്റ് വള­യലും മറ്റും­ന­ടത്തി അവര്‍ ജന­ശ്രദ്ധ പിടി­ച്ചു­പ­റ്റി. അവ­രുടെ പ്രച­ര­ണ­ത്തില്‍ കുറെ ശുദ്ധ­മ­ന­സ്ക്ക­രെ­ങ്കിലും വീണു­പോ­യ­തില്‍ അത്ഭു­ത­പ്പെ­ടേ­ണ്ട­തി­ല്ല. അവരുടെ വോട്ടാണ് എല്‍ഡി­എ­ഫിനെ വന്‍വി­ജ­യ­ത്തി­ലേക്ക് നയി­ച്ച­ത്. സുധീ­രന്‍ പാര്‍ട്ടി­ക്കു­ള്ളില്‍നിന്ന് മറ്റൊരു പ്രതി­പ­ക്ഷ­നേ­താ­വായി അവരെ സഹാ­യി­ച്ചു. കോണ്‍ഗ്ര­സ്സിന്റെ അന്ത്യ­കൂ­ദാ­ക ചെയ്യാന്‍ അദ്ദേ­ഹത്തെ ഇങ്ങോട്ട് പറ­ഞ്ഞു­വിട്ട രാഹുല്‍ ഗാന്ധി ചട­ങ്ങില്‍ പങ്കെ­ടു­ക്കാന്‍ വന്ന­തു­മി­ല്ല. പകരം അമ്മ­ച്ചിയെ പറ­ഞ്ഞു­വി­ട്ടു. അദ്ദേഹ­ത്തിന് കല­ശ­ലായ പനി­യാ­ണു­പോ­ലും. തമി­ഴ്‌നാ­ട്ടില്‍നിന്ന് ഒരു ഭീഷ­ണി­ക്കത്ത് കിട്ടി­യ­തു­കൊണ്ട് പേടിച്ച് പനി­ച്ച­താ­കാന്‍ സാധ്യത­യു­ണ്ട്.

സരി­ത­യെന്ന അഭി­സാ­രി­ക­യാ­യി­രുന്നു പ്രതി­പ­ക്ഷ­ത്തിന്റെ ഹീറോ­യിന്‍. ആ സ്ത്രീ പറ­ഞ്ഞ­തു­കേ­ട്ടാണ് അവര്‍ സെക്ര­ട്ട­റി­യേറ്റ് വള­ഞ്ഞതും രാപ്പ­കല്‍ സമ­ര­ങ്ങള്‍ നട­ത്തി­യതും. മാര്‍ക്‌സിസ്റ്റു­പാര്‍ട്ടി അവ­രോട് നന്ദികേട് കാണി­ക്കാന്‍ പാടി­ല്ലാ­ത്ത­താ­ണ്. അവരുടെ വന്‍വി­ജ­യ­ത്തിന്റെ ആണി­ക്കല്ല് സരി­ത­യാ­ണ്. അവര്‍ക്ക് ഒരു മന്ത്രി­സ്ഥാ­നം­കൊ­ടുത്ത് പാര്‍ട്ടി അവ­രോ­ടുള്ള നന്ദി പ്രക­ടി­പ്പി­ക്കേ­ണ്ടാ­താ­ണ്.

ഉമ്മന്‍ ചാണ്ടി അഴി­മ­തി­ക്കാ­ര­നാ­ണെന്നോ വ്യഭി­ചാ­രി­യാ­ണെന്നോ അച്ചു­താ­ന­ന്ദനും പിണ­റോയി വിജ­യനും വിശ്വ­സി­ക്കു­ന്നു­ണ്ടാ­വി­ല്ല. വിഢി­ക­ളായ അനു­യാ­യി­കളെ വിശ്വ­സി­പ്പി­ക്കാ­നാണ് അവര്‍ കോപ്രാ­യ­ങ്ങ­ളെല്ലാം കാട്ടി­ക്കൂ­ട്ടി­യ­ത്. ഉമ്മന്‍ ചാണ്ടി ശുദ്ധ­നാ­ണെന്ന് അദ്ദേ­ഹ­ത്തിന്റെ ഭാര്യക്ക് മാത്ര­മല്ല പ്രതി­പ­ക്ഷ­നേ­താ­ക്ക­ന്മാര്‍ക്കും അറ­ിയാം. ശുദ്ധ­ഗ­തി­കൊ­ണ്ടാണ് തന്റെ പേഴ്‌സ­ണല്‍ സ്റ്റാഫിനെ പരി­പൂര്‍ണ­മായി വിശ്വ­സിച്ച് അദ്ദേഹം ജന­സ­മ്പര്‍ക്ക­ത്തിന് പോയ­ത്. ആ അവ­സ­രംനോക്കി അദ്ദേ­ഹ­ത്തിന്റെ സ്റ്റാഫില്‍പെ­ട്ട­വര്‍ മുഖ്യ­മ­ന്ത്രി­യുടെ ഓഫീ­സിലെ ഫോണ്‍ ഉപ­യോ­ഗിച്ച് സരി­ത­യേയും അവ­ളുടെ കാമു­ക­നേയും വിളി­ച്ച­തിന് വന്‍വി­ല­യാണ് കൊ­ടു­ക്കേ­ണ്ടി­വ­ന്ന­ത്. ശുദ്ധന്‍ മണ്ടന്റെ ഫലം­ചെ­യ്യു­മെന്ന് പറ­ഞ്ഞ­ത­ുപോലെ പറ്റിയ അബ­ദ്ധ­മാണ് അദ്ദേ­ഹത്തിന് ഉണ്ടാ­യത് ഇത് അച്ചുതാ­ന­ന്ദന് അറ­ിയാം, പിണ­റോ­യിക്കും. എന്നാല്‍ അവ­രു­ണ്ടാ­ക്കിയ കോലാ­ഹലം നമ്മള്‍ കണ്ട­താ­ണ­ല്ലോ. അവര്‍ അവ­സരം ശരിക്കും മുത­ലെ­ടു­ത്തെന്നു­തന്നെ പറ­യാം.

മദ്യ­നി­രോ­ധനം കേര­ള­ത്തി­ലെ­ന്നല്ല ഒരു­രാ­ജ്യത്തും വിജ­യി­ച്ചി­ട്ടി­ല്ല. പലരും പരീ­ക്ഷി­ച്ചു­നോക്കി പരാ­ജ­യ­പ്പെട്ട കാര്യ­മാണ്. സുധീ­രന്‍ ആദര്‍ശ്ശ­വാ­നാ­ണന്ന് അഭി­ന­യി­ക്കാ­നാണ് ബാറു­കള്‍ പൂട്ട­ണ­മെന്ന് വാ­ശി­പി­ടി­ച്ച­ത്. ഉമ്മന്‍ ചാണ്ടിക്ക് തന്റെ സഹ­പ്ര­വര്‍ത്ത­കരെ സംര­ക്ഷി­ക്കാന്‍ കാട്ടിയ തന്റേടം അവി­ടെയും കാണി­ക്കാ­മാ­യി­രു­ന്നു. പകരം ബാറു­ക­ളെല്ലാം ഒന്ന­ടങ്കംപൂട്ടി സുധീ­രനെ കട­ത്തി­വെ­ട്ടാ­നാണ് അദ്ദേഹം ശ്രമി­ച്ച­ത്. അതും വിന­യാ­യി­ത്തീര്‍ന്നെ­ന്നാ­ണല്ലോ തെളി­ഞ്ഞ­ത്. ബാറു­കള്‍ നടത്തി കാശു­ണ്ടാ­ക്കി­യ­വര്‍ വെറു­തേ­യി­രി­ക്കു­മെന്ന് വിചാ­രി­ച്ചവര്‍ മണ്ട­ന്മാ­രാ­ണ്. മദ്യ­ലോബി കേര­ള­ത്തില്‍ വലി­യൊരു ശക്തി­യാണ്. അവര്‍ സര്‍വ്വ ആയു­ധ­ങ്ങളും പ്രയോ­ഗിച്ച് യുദ്ധം­തു­ട­ങ്ങി. അതിന്റെ ഇര­യാ­യി­ത്തീര്‍ന്ന­വ­രാണ് മാണിയും ബാബു­വും.

ബീവ­റേജ് കോര്‍­പറേ­ഷന്റെ സ്റ്റോറു­കളും കള്ളു­ഷാ­പ്പു­കളും തുറ­ന്നു­വെ­ച്ചു­കൊണ്ട് ബാറു­കള്‍ പൂട്ടു­ന്ന­തിലെ അര്‍ഥം എന്താ­ണ്. അതിന്റെ പേരില്‍ കള്ളു­കു­ടി­യ­ന്മാ­രുടെ കുറെ­വോ­ട്ടു­കള്‍ നഷ്ട­പ്പെ­ട്ട­ത­ല്ലാതെ അവ­രുടെ ഭാര്യ­മാ­രുടെ വോട്ടു­പോലും കിട്ടി­യി­ട്ടു­ണ്ടാ­വി­ല്ല. ആന്റണി പണ്ട് ചാരാ­യ­ഷാ­പ്പു­കള്‍ അട­ച്ചി­ട്ടെ­ന്തു­ണ്ടാ­യി. ഒരു­വോ­ട്ടെ­ങ്കിലും അധികം കിട്ടി­യോ. ഇങ്ങ­നത്തെ തറവേല­ക­ളൊന്നും കാണി­ച്ചാല്‍ വിജ­യി­ക്കാന്‍ പോകു­ന്നി­ല്ല.

മുറി­വാ­ല്.

അങ്ങനെ അച്ചു­മാ­മനെ ഒരു­മൂ­ല­ക്കി­രു­ത്തി. പിണങ്ങാ­തി­രി­ക്കാന്‍ ഒരു പേരും­കൊ­ടു­ത്തു, കേരള കാസ്‌ട്രോ. പാലം­ ക­ട­ക്കു­വോളം അച്ചു­മാ­മാ, അച്ചു­മാമാ പാലം­ക­ട­ന്ന­പ്പോള്‍ .... അല്ലെ­ങ്കില്‍വേ­ണ്ട. മാമന് ഫിഡല്‍ കാസ്‌ട്രോ­യെന്ന് പേരു­കൊ­ട­ുത്ത­പ്പോള്‍ പിണ­റോയി ആരാ? റൗള്‍ കാസ്‌ട്രോ ആയി­രി­ക്കും. റൗള്‍ ഇപ്പോള്‍ ക്യൂബ­യില്‍ കമ്മ്യൂ­ണിസം കുഴി­ച്ചു­മൂ­ടാ­നുള്ള ശ്രമ­ത്തി­ലാ­ണ്. പിന്തി­രി­പ്പന്‍ ബൂര്‍ഷ്വാ രാജ്യ­മായ അമേ­രി­ക്ക­യു­മായി ചെങ്ങാത്തം സ്ഥാപി­ച്ചു­ക­ഴി­ഞ്ഞു. പിണ­റോയി എങ്ങ­നാ? അമേ­രി­ക്ക­യി­ലേക്ക് വരു­ന്നോ? ഞങ്ങള്‍ ചിക്കനും ബീഫും പോര്‍ക്കും എല്ലാം­ചേര്‍ത്ത് അങ്കിള്‍ബെന്‍ പാര്‍ബോ­യില്‍ഡ് റൈസി­ട്ടു­വെച്ച ഒന്നാ­ന്തരം ചോറു­ത­രാം. മുഖ്യ­മന്ത്രി ആയ­സ്ഥി­തിക്ക് ഒന്ന് വന്നി­ട്‌പോ­ന്നേ. പിന്നെ വേറൊരു ഗൗര­വ­മുള്ള കാര്യം. ആ വിപ്‌ളവ പാര്‍ട്ടിയെ പിരി­ച്ചു­വിട്ട് മാന്യ­ന്മാര്‍ക്ക് ചേരാ­വുന്ന നല്ലൊരു മതേ­തര പാര്‍ട്ടി രൂപീ­ക­രി­ക്ക്. ഞങ്ങളും ചേരാ അതില്‍. വിപ്‌ള­വ­മൊന്നും ഇന്‍ഡ്യ­യില്‍ വിജ­യി­ക്കാന്‍ പോകു­ന്നി­ല്ല. ബംഗാ­ളില്‍ കമ്മ്യൂ­ണിസം മണ്ണ­ടി­ഞ്ഞി­ല്ലേ. ഇനി കേര­ള­ത്തില്‍ മാത്ര­മാ­യിട്ട് എന്താ­നാ? സോറി. ത്രിപു­ര­യിലും ഉണ്ടല്ലോ മേമ്പൊ­ടി­ക്ക്.
Join WhatsApp News
Vayanakkaran 2016-05-20 18:23:31
Mr. Sam Nilampalli, you are a Ommmen Chandi Bhathan. I do not think you are right.Oomman Chandy is responsible mostly for the defeat of UDF. Because of V.M.Sudhiran atleast UDF got 46 seats. Oooman Chandy should retire from Congress politics. Enough is enough from Ooomman Chandy. Ooomman Chandy won from Puthuppalli because his rival was an unknown boy/really a KSU boy. That was a kind of Othukali between Omman and Pinarai. While fighting they support each other. I do not accept Sam's observation. Any way you got the freedom to observe and express your opinion. Oomman is a failoure. P.C. George is the real winner. PC  must be there to fight the corruption of both the parties. P.C. George Zindabad. Every body want to dump PC. Ganresan and Murugesh from LDF9 (Won). But Murdabad. They are Avasaravadikal just like Sures Gopi. Getrid of Cinema politics
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക