കേരളത്തിലാണ് തെരഞ്ഞെടുപ്പു നടന്നതെങ്കിലും അമേരിക്കന്
മലയാൡകള്ക്കായിരുന്നു ഇരിക്കപ്പൊറുതി ഇല്ലാതിരുന്നത്. അവര്
രാവും പകലും ഇരുന്നും കിടന്നും നിന്നും നടന്നും സംഘടിച്ചും അല്ലാതെയും
തിയറിയും മറുതിയറിയും ഉണ്ടാക്കി. ആരും ജയിക്കും. യുഡിഎഫ് തന്നെ. ഒരു
മാറ്റവുമില്ല. കണ്ണൂര് വിമാനത്താവളം, കൊച്ചി മെട്രൊ, കേരളമാകെ
ഇരുനൂറിലേറെ റോഡ്, സഞ്ചരിക്കാന് നല്ല മണിമണി പോലെയുള്ള റോഡ്...
അങ്ങനെ കേരളത്തെ സ്വര്ഗ്ഗമാക്കിയ എന്റെ സ്വന്തം എംഎല്എയായ
ഉമ്മന്ചാണ്ടി സര്ക്കാരിനെ പ്രതിരോധിക്കാന് യാതൊരു
മാര്ഗ്ഗവുമില്ലാതിരുന്ന എല്ഡിഎഫ് ഇത്തവണ നാലു നിലയില് പൊട്ടി,
കേരളത്തില് നിന്നല്ല, കളത്തില് നിന്നു തന്നെ ഇല്ലാതാകുമെന്നു
ധൈര്യപൂര്വ്വം കാസിനോകളിലെന്നതു പോലെ ചൂതാട്ടം നടത്തി. ബെറ്റ് വച്ചു.
ഒടുവില് കര്ട്ടന് നീക്കിയപ്പോള് ശരിക്കും ഞെട്ടി, ഉമ്മന് ചാണ്ടി
ദിലീപ് ചിത്രത്തിലെന്നതു പോലെ പറയുന്നു, "ഒടുവില് ജാങ്കോ ഞാന്
ശരിക്കും പെട്ടു കേട്ടോ...'
ബുധനാഴ്ച രാത്രി പത്തു മണിമുതല് കേരള
രാഷ്ട്രീയത്തെയും കേരളത്തെയും ഇഷ്ടപ്പെടുന്ന അമേരിക്കന് മലയാളികള്
ഉറക്കമൊഴിയാന് തീരുമാനിക്കുകായിരുന്നു. കട്ടന് കാപ്പിയും സ്നാക്സും
സംഘടിപ്പിച്ച്, വാട്സ് ആപ്പിലും മറ്റും പോസ്റ്റ് ചെയ്യേണ്ട ഫോട്ടോ കമന്റ്സ്
ഒക്കെ വെട്ടിമാറ്റി സേവ് ചെയ്ത് ടിവിക്കു മുന്നില് സോഫ കട്ടിലാക്കി റെഡി !
ഏഷ്യാനെറ്റും, മനോരമയും റിപ്പോര്ട്ടറും പ്രവാസി ചാനലുമെല്ലാം മാറി മാറി
എല്ലാ വേര്ഷന്സും കേട്ടു കൊണ്ടിരുന്നു. പ്രവാസി ചാനലില് മധുവും അനിയനും
അനിലും സജിയും അവലോകനത്തിനായി മലയാളികളുമായി ടെലിഫോണില് ബന്ധപ്പെട്ടു
കൊണ്ടുമിരുന്നു.
അതിനിടയില് കേരളരാഷ്ട്രീയത്തെ അരച്ചു കലക്കി
ഗുണിച്ച് ഹരിച്ച് എടുത്തപ്പോള് ഈയുള്ളവനു തോന്നിയ കാര്യങ്ങളാണ് ഇനി പറയാന്
പോകുന്നത്. ഈഴവ വോട്ടുകള് ചോര്ത്തി എല്ഡിഎഫിനെ ദുര്ബലപ്പെടുത്തി
സുഖമായി ഭരണം തുടരാം എന്നായിരുന്നു ഉമ്മന് ചാണ്ടി കണക്കു കൂട്ടിയത്.
എന്നാല് വികസനവും കരുതലും അഴിമതിയും പീഡനവുമൊന്നും
തെരഞ്ഞെടുപ്പില് പ്രശ്നമാകില്ലെന്നു നേരത്തെ തിരിച്ചറിഞ്ഞത്
ഉമ്മന് ചാണ്ടിയാണ്. അതു തന്നെയാണ് സംഭവിച്ചതും. പക്ഷേ, ഉമ്മന്
ചാണ്ടിയുടെ കിളി കാര്ഡില് കൊത്തിയില്ലെന്നു മാത്രം. വര്ഗീയതയും
ജാതിയും തന്നെ ഇത്തവണയും കളം നിറഞ്ഞു കളിച്ചു. ഉമ്മന് ചാണ്ടി പറഞ്ഞു
കൊടുത്ത തന്ത്രം അനുസരിച്ചു ബിഡിജെഎസ് എന്ന പാര്ട്ടിയുണ്ടാക്കി
ഉഗ്രമായ വര്ഗീയത വിതറിയ വെള്ളാപ്പള്ളി നടേശനായിരുന്നു ഇത്തവണ
കേരളത്തിലെ രാഷ്ട്രീയ ഹിജഡയായി മാറിയത്. വെള്ളാപ്പള്ളി പറഞ്ഞത്
കേട്ട് ക്രിസ്ത്യാനിയും മുസ്ലീങ്ങളും ഒന്നിച്ചു എതിര് ചേരിയുണ്ടാക്കി
എല്ഡിഎഫിനൊപ്പം നിന്നു. ഫലം എല്ഡിഎഫ് 91, യുഡിഎഫ് 46, എന്ഡിഎ 1,
പി.സി ജോര്ജ് 1.
ഇതെങ്ങനെ സംഭവിച്ചു ? ഇതാ പുറ്റിങ്ങല്
വെടിക്കെട്ടിനെ തോല്പ്പിക്കുന്ന രാഷ്ട്രീയ വെടിക്കെട്ട്. കഥ,
തിരക്കഥ, സംവിധാനം സാക്ഷാല് സര്വ്വശ്രീ ഉമ്മന് ചാണ്ടി. ഈ
മള്ട്ടിസ്റ്റാര് കഥ വിജയിച്ചിരുന്നുവെങ്കില് എഐസിസി നേരിട്ട്
വന്ന് ഡല്ഹിയിലേക്ക് ഉമ്മച്ചനെ കൊണ്ടു പോയി രാഹുല് മോന്റെ
രാഷ്ട്രീയഗുരു ആക്കി മാറ്റിയേനെ. കുറേ കാലമായി കേരളരാഷ്ട്രീയം സസൂക്ഷ്മം
നിരീക്ഷിക്കുന്ന ഒരു പ്രവാസി മലയാളി എന്ന നിലയിലും കഴിഞ്ഞ മാസം നാട്ടില് പോയി
ഈ ഇലക്ഷന്റെ ഹൃദ്സ്പന്ദനങ്ങള് ഒപ്പിയെടുത്ത ആളെന്ന നിലയിലും എനിക്ക്
പറയാനുളള സംഗതി കേട്ടോളൂ..
സിപിഎമ്മിന്റെ
അടിത്തറയായിരുന്ന ഈഴവ വോട്ടുകള് അടര്ത്തി എന്ഡിഎയില്
എത്തിക്കാന് ഉമ്മന് ചാണ്ടി നിയോഗിച്ചത് പൊളിറ്റിക്കല്-ബിസിനസ്
അധിപനായ സാക്ഷാല് വെള്ളാപ്പള്ളിയെ. ഒരു മണ്ഡലത്തില് 5000 വോട്ട്
മറിച്ചാല് സിപിഐ(എം) പരാജയം ഉറപ്പെന്ന കണക്കു കൂട്ടലില് കച്ചവടം
ഉറപ്പിച്ചു. അത് ഒരു പരിധി വരെ ശരിയായിരുന്നു. ബിഡിജെഎസ്
സ്ഥാനാര്ത്ഥി ഒട്ടേറെ മണ്ഡലങ്ങളില് ത്രികോണ മത്സര പ്രതീതി
സൃഷ്ടിച്ചു. ശരാശരി 3000 വോട്ട് മാത്രം നേടിയിരുന്ന ബിജെപി
മണ്ഡലങ്ങളില് ഇക്കുറി അത് 15,000 ആയി ഉയര്ന്നു.
എന്നാല് തിയറി
പാളിയത് രണ്ട് കാരണങ്ങള് കൊണ്ടായിരുന്നു. ഈഴവ വോട്ടിനൊപ്പം
ബിജെപിയിലേക്ക് ഒഴുകിയ നായര് വോട്ടുകള് നഷ്ടമായത്
കോണ്ഗ്രസ്സിനായിരുന്നു. അതിനേക്കാള് പ്രധാനം ബിഡിജെഎസ് ബിജെപി
സംഖ്യം ഉണ്ടാക്കിയ ആശങ്ക മുസ്ലിം സമുദായത്തില് ഉണ്ടാക്കിയ
പ്രതികാരം ആയിരുന്നു. ക്രിസ്ത്യന് ന്യൂനപക്ഷത്തെ പോലെയല്ല
യഥാര്ത്ഥ മുസ്ലിങ്ങള്. ക്രിസ്ത്യാനികള് ബിജെപിയുമായി വോട്ടു
കച്ചവടം നടത്തുകയും സ്ഥാനമാനങ്ങള് ഉറപ്പിക്കുകയും ചെയ്യുന്നതിന്
എത്രയോ തെളിവുകളുണ്ട്. കേരളത്തെ സൊമാലിയ ആക്കിയ മോദിയെ കാണാന്
മെത്രാന്മാര് ക്യൂ നിന്നു കളിക്കുന്നു. അവര്ക്ക് അധികാരമാണ്
വലുത്. എന്നാല് കേരളത്തിലെ മുസ്ലീമുകള് അങ്ങനെയല്ല, അവര്
മോദിയെ വിശ്വസിക്കില്ല. അവര്ക്ക് ബിജെപിയെ ഭയമാണ്. ഹിന്ദുക്കള്
ബിജെപിയുടെ കീഴില് ഒരുമിക്കുന്നത് തങ്ങളുടെ നിലനില്പ്പിന്
ഹാനീകരം ആണന്നവര് കണക്ക് കൂട്ടി. മുഖ്യമന്ത്രിയുടെ
ആശിര്വാദത്തോടെ ഹൈന്ദവ ധ്രുവീകരണം നടന്നപ്പോള് ആശങ്കപ്പെട്ട
മുസ്ലീമുകള് ഒറ്റക്കെട്ടായി ഇടതിനൊപ്പം നിന്നു. അതായിരുന്നു ഈ
തെരഞ്ഞെടുപ്പിന്റെ പ്രതിഫലനം. സംഘപരിവാറിനെ ഭയപ്പെടുന്ന കേരള
മുസ്ലീമുകള്ക്ക് കോണ്ഗ്രസ്സിനോടുള്ള വിശ്വാസം നഷ്ടപ്പെടാനും
സിപിഎമ്മിനെ ഇഷ്ടപ്പെടാനും മറ്റൊരു കാരണവും വേണ്ടായിരുന്നു. ലീഗ്
ശക്തമായ സ്ഥലങ്ങളില് ലീഗിനെയും അല്ലാത്തിടങ്ങളില്
സിപിഎമ്മിനെയും എന്ന നയം അവര് സ്വീകരിച്ചു.
കേരളത്തിലെ
മുസ്ലീങ്ങള് 17 സീറ്റ് നേരിട്ട് പിടിച്ചപ്പോള് കോണ്ഗ്രസ് പിടിച്ചത്
വെറും 21 എണ്ണമായിരുന്നു. ഇതു തന്നെ മേല്വിവരിച്ച തിയറി
ശരിയാണെന്നു തെളിയിക്കുന്നു. ഇതോടെ, ഒരു കാര്യം വ്യക്തമായി. ഉമ്മന്
ചാണ്ടിയും കൂട്ടരും തോറ്റത് വെറുമൊരു തോല്വി അല്ല. അത് ഗംഭീര തോല്വി
തന്നെയായിരുന്നു. പണ്ട്, ഇവിടെ തോറ്റാല് അങ്ങ് ഡല്ഹിയുണ്ടായിരുന്നു.
എന്നാല് ഇന്ന് ഡല്ഹിയുമില്ല. അതു കൊണ്ട് തന്നെ അടുത്ത 5 വര്ഷം
ഖദറിന് കാര്യമായ വില്പ്പനയുണ്ടാവില്ലെന്നു ചുരുക്കം. മറ്റു
കാര്യങ്ങള് മാറ്റിനിര്ത്താം- രാഷ്ട്രീയ ബുദ്ധിരാക്ഷസനായ
സര്വ്വശ്രീ ഉമ്മന്ചാണ്ടി അവര്കളുടെ ഗുണപരമായ മറ്റു കാര്യങ്ങള്
ഇനി കാണാം. ചെയ്ത ജോലിക്ക് കൂലി വാങ്ങാന് വെള്ളാപ്പള്ളി വരുമ്പോ എന്തോ
കാണിച്ച് കണിച്ചുകുളങ്ങരയ്ക്ക് വിടുമെന്നു കണ്ടറിയണം. അതുക്കും
മേലെ, വിഎം സുധീരനോടും ഡല്ഹി മാഡത്തോടും "അടിച്ചുപിരിഞ്ച്'
വാങ്ങിച്ചെടുത്ത സീറ്റിലൊന്നും ജയിക്കാതിരുന്നവരെ എവിടെ കൊള്ളിച്ച്
കൂടെനിര്ത്തുമെന്നും കണ്ടറിയണം. ഒരു കാര്യം ഉറപ്പ്, ഇനി അഞ്ചു കൊല്ലം
കേരളരാഷ്ട്രീയത്തില് കാണാന് കളികള് പലതും കിടക്കുന്നു.
അതൊക്കെയും വികസനവിരോധികളായ കേരളമക്കള് അനുഭവിക്കാന്
കിടക്കുന്നതേയുള്ളുൂൂൂ.... ഇതൊക്കെ കാണാന് ആയുസും ആരോഗ്യവും തരണേ
തമ്പുരാനെ എന്നു മാത്രമാണ് പ്രാര്ത്ഥന.