ഓസ്‌ട്രേലിയയില്‍ വാഹനാപകടം; മലയാളി സഹോദരിമാര്‍ മരിച്ചു
Published on 24 May, 2016
ബ്രിസ്‌ബേന്‍: കാണക്കാരി സ്വദേശികളായ സഹോദരിമാര്‍ ഓസ്‌ട്രേലിയയില്‍ വാഹനാപകടത്തില്‍ മരിച്ചു. കാണക്കാരി കെഎസ്ഇബി സബ് സ്റ്റേഷനു സമീപം പ്ലാപ്പള്ളില്‍ പി.എം. മാത്യു (ബേബി)വിന്റെ മക്കളായ അഞ്ജു (24), ആശ (18) എന്നിവരാണ് മരിച്ചത്.
ഇന്ത്യന്‍ സമയം തിങ്കളാഴ്ച ഉച്ചകഴിഞ്ഞ് രണ്ടിന് ബ്രിസ്‌ബേനിനു സമീപമായിരുന്നു അപകടം. അഞ് ജു ഓടിച്ചിരുന്ന കാര്‍ എതിരേ വന്ന ട്രക്കുമായി കൂട്ടിയിടിക്കുകയായി രുന്നു. അഞ്ജുവിന്റെയും ആശയുടേയും മാതൃസഹോദരന്‍ ഫാ. ജോര്‍ജ് കൊണ്ടൂക്കാലയാണ് അപകട വിവരം ഇന്നലെ ഉച്ചകഴിഞ്ഞ് മൂന്നി ന് നാട്ടില്‍ അറിയിച്ചത്. അദ്ദേഹം ഓസ്‌ട്രേലിയയില്‍ ഉണ്ടായിരുന്നു.
ഓസ്‌ട്രേലിയയില്‍ നഴ്‌സിംഗ് പഠനം നടത്തിയ അഞ്ജു കഴിഞ്ഞ അഞ്ചുവര്‍ഷമായി അവിടെയാണ്. ആശ പ്ലസ്ടു പഠനത്തിനുശേഷം നഴ്‌സിംഗ് പഠനത്തിനായി രണ്ടുമാസം മുമ്പാണ് ഓസ്‌ട്രേലിയയില്‍ അഞ്ജുവിനൊപ്പം എത്തിയത്. ഇവരുടെ സഹോദരങ്ങളായ അനുവും എബിയും ബ്രിസ്‌ബേനില്‍ നഴ്‌സുമാരായി ജോലി ചെയ്യുകയാണ്. അഞ്ജുവിനും ആശയ്ക്കുമൊപ്പം വീട്ടില്‍ ഉണ്ടായിരുന്ന അനുവിനെ താമസസ്ഥലത്താക്കിയശേഷം മടങ്ങുമ്പോഴാണ് അപകടം.
കാറില്‍ അഞ്ജുവും ആശയും മാത്രമേ ഉണ്ടായിരുന്നുള്ളൂ. ഒന്നര വര്‍ഷം മുമ്പാണ് അഞ്ജു നാട്ടില്‍ എത്തി മടങ്ങിയത്. മൂത്ത സഹോദരി എബിയുടെ വിവാഹത്തില്‍ പങ്കെടുക്കുന്നതിനായിരുന്നു അന്ന് നാട്ടിലെത്തിയത്.
Facebook Comments
Comments
Ponmelil Abraham 2016-05-24 18:01:12
Deep condolences and prayers.
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala