ഫ്രാങ്ക്ഫര്ട്ട് : ഫെബ്രുവരി രണ്ട് രാത്രി ജര്മനിയില് ഇതേവരെ ഉണ്ടായ
ഏറ്റവും തണുപ്പേറിയ രാത്രിയായി ഫ്രാങ്ക്ഫര്ട്ടിനടുത്ത് ഓഫന്ബാഹിലെ
ജര്മന് കാലാവസ്ഥാ നിരീക്ഷണ കേന്ദ്രം രേഖപ്പെടുത്തി. മൈനസ് 23.6 ഡിഗ്രി
സെന്റിഗ്രേഡ് താപനിലയാണ് ഈ രാത്രിയില് ജര്മനിന് കിഴക്കന് സംസ്ഥാനമായ
സാക്സണിലെ ഫോക്റ്റ്ലാന്ഡ് ജില്ലയില് രേഖപ്പെടുത്തിയത്. എല്ലാ ജര്മന്
സംസ്ഥാനങ്ങളിലും രണ്ട് അക്ക മൈനസ് താപനില രാത്രികളിലും, മൈനസ് 10 മുതല് 12
ഡിഗ്രി സെന്റിഗ്രേഡ് താപനില പകലും അനുഭവപ്പെടുന്നു. ഇപ്പോള്
അനുഭവപ്പെടുന്ന സൈബീരിയന് തണുപ്പ് ഈ വാരാന്ത്യത്തിലും തുടരുമെന്ന്
കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
ഈ കടുത്ത തണുപ്പിനെ തുടര്ന്ന് കിഴക്കന് യൂറോപ്യന് രാജ്യങ്ങളില് 114
പേര് മരിച്ചതായി റിപ്പോര്ട്ട് ചെയ്യുന്നു. അസഹ്യമായ ഈ കാലാവസ്ഥയില്
യൂറോപ്യന് ജനജീവിതം വളരെയേറെ കഷ്ടതയിലാണ്. പല വീടുകളിലും, സ്ഥാപനങ്ങളിലും
ഹീറ്റിംഗ് സമ്പ്രദായത്തിന് വരുന്ന തകരാറുകളും, കാറുകള്ക്കുണ്ടാകുന്ന
സ്റ്റാര്ട്ടിംഗ് വിഷമതകളും എല്ലാവരെയും കൂടുതല് കഷ്ടതയിലാക്കുന്നു.