ഇങ്ങനെയൊക്കെ ആണെങ്കിലും ഏവരും അറിയാന്‍ ആകാംക്ഷയോടെ കാത്തിരിക്കുന്ന ഒന്നുണ്ട്. മറ്റൊന്നുമല്ല രജനികാന്തിന് ചിത്രത്തിലെ പ്രതിഫലം എത്രയെന്ന്. 110 കോടി മുതല്‍മുടക്കിലാണ് കബാലി എത്തിയത്. ഇതില്‍ 35 കോടിയാണ് രജനിയുടെ പ്രതിഫലം. മാത്രമല്ല ചിത്രത്തിന്റെ ലാഭവിഹിതത്തില്‍ ഒരു ഭാഗവും രജനിക്ക് സ്വന്തമാണ്.

ചിത്രങ്ങള്‍ കോടികള്‍ വാരിക്കൂട്ടാന്‍ തുടങ്ങിയതോടെയാണ് രജനിയും മാറി ചിന്തിച്ചത്. പ്രതിഫലത്തിന് പുറമെ ലാഭവിഹിതത്തിന്റെ ഒരു ഭാഗം. അതേസമയം ചിത്രം പരാജയപ്പെട്ടാല്‍ പണം തിരികെ കൊടുക്കാനും രജനിക്ക് മടിയില്ല.

കബാലിയുടെ ആദ്യ ആഴ്ചയിലെ കലക്ഷൻ റെക്കോർഡ് നേട്ടമുണ്ടാക്കുമെന്ന് ഇതിനോടകം വ്യക്തമായി കഴിഞ്ഞു. അങ്ങനെയെങ്കിൽ ആ ലാഭത്തിൽ നിന്ന് 45 കോടി രജനിക്കായി നൽകുമെന്നും റിപ്പോർട്ടുണ്ട്. അങ്ങനെയെങ്കിൽ ഒരു ചിത്രത്തിന് വേണ്ടി മാത്രം രജനിയുടെ പ്രതിഫലം 80 കോടി രൂപ.