മഹാബലിക്കൊരു നിവേദനം (കവിത-മഞ്ജുള ശിവദാസ്)
Published on 25 August, 2016
അധികാരക്കൊതിയേറിയ ദേവകള്‍
ചതിച്ചു താഴ്ത്തിയ മാവേലി,
അറിഞ്ഞുവോ നീ അധപ്പതിച്ചൊരു
കേരള നാടിന്‍ വേദനകള്‍
ആമോദത്തോടൊന്നായി മാനവര്‍
കഴിഞ്ഞ മലനാടിലിന്ന്
ഗോഷ്ട്ടികള്‍ കാട്ടും ദൈവങ്ങള്‍ തന്‍
ഭ്രാന്താലയമീ മലനാട്
മാനവ മനസ്സില്‍ മാനം മുട്ടും
മതിലുകള്‍ തീര്‍ത്തീ ദൈവങ്ങള്‍
നീ വാണരുളിയ നാടിന്‍ ഗതിയിതു
കണ്ടാല്‍ മനമതു വിണ്ടിടും
ഭരിച്ചു ഭുവനം മുടിച്ചു സ്വന്തം
ഭവനം പോറ്റും നേതാക്കള്‍
മദിച്ചു വാഴും മതമേലാളര്‍
ക്കടിമകളാകും നേതാക്കള്‍
ഭ്രാന്തന്‍ ശ്വാനനു സ്വരമായി നിരവധി
പേക്കോലങ്ങളുമുണ്ടുവിടെ,
മനുഷ്യദേഹിക്കാശ്രയമേകാന്‍
അറപ്പ് കാട്ടും മാന്യന്‍മാര്‍.
പീഡനമേറ്റു പിടഞ്ഞിടുന്ന
കുരുന്നുകളനവധിയാണിവിടെ
സ്ത്രീ മാംസത്തില്‍ കണ്ണും നട്ടൊരു
കഴുകന്‍ കൂട്ടരുമുണ്ടിവിടെ
പ്രതീക്ഷ കെട്ടുഴലുന്നീ പ്രജകള്‍
പ്രജാപതി നീ കേട്ടാലും,
മര്‍ദ്ദിത മനസ്സുകള്‍ പ്രത്യാശിപ്പൂ
വരുമൊരു കാലം നിന്‍ തണലില്‍
ചതിച്ചു താഴ്ത്തിയ മാവേലി,
അറിഞ്ഞുവോ നീ അധപ്പതിച്ചൊരു
കേരള നാടിന്‍ വേദനകള്‍
ആമോദത്തോടൊന്നായി മാനവര്‍
കഴിഞ്ഞ മലനാടിലിന്ന്
ഗോഷ്ട്ടികള്‍ കാട്ടും ദൈവങ്ങള്‍ തന്‍
ഭ്രാന്താലയമീ മലനാട്
മാനവ മനസ്സില്‍ മാനം മുട്ടും
മതിലുകള്‍ തീര്‍ത്തീ ദൈവങ്ങള്‍
നീ വാണരുളിയ നാടിന്‍ ഗതിയിതു
കണ്ടാല്‍ മനമതു വിണ്ടിടും
ഭരിച്ചു ഭുവനം മുടിച്ചു സ്വന്തം
ഭവനം പോറ്റും നേതാക്കള്‍
മദിച്ചു വാഴും മതമേലാളര്‍
ക്കടിമകളാകും നേതാക്കള്‍
ഭ്രാന്തന്‍ ശ്വാനനു സ്വരമായി നിരവധി
പേക്കോലങ്ങളുമുണ്ടുവിടെ,
മനുഷ്യദേഹിക്കാശ്രയമേകാന്‍
അറപ്പ് കാട്ടും മാന്യന്‍മാര്‍.
പീഡനമേറ്റു പിടഞ്ഞിടുന്ന
കുരുന്നുകളനവധിയാണിവിടെ
സ്ത്രീ മാംസത്തില്‍ കണ്ണും നട്ടൊരു
കഴുകന്‍ കൂട്ടരുമുണ്ടിവിടെ
പ്രതീക്ഷ കെട്ടുഴലുന്നീ പ്രജകള്‍
പ്രജാപതി നീ കേട്ടാലും,
മര്‍ദ്ദിത മനസ്സുകള്‍ പ്രത്യാശിപ്പൂ
വരുമൊരു കാലം നിന്‍ തണലില്‍
(സൗദിഅറേബ്യയിലെ റിയാദില്‍ പ്രവാസ ജീവിതം നയിക്കുന്ന മഞ്ജുള ശിവദാസ് പതിവായി കവിതകള്‍ എഴുതുന്നു. ഭര്‍ത്താവ് ശിവദാസ് റിയാദില്‍ ബിസിനസ്‌കാരന്‍. മക്കള്‍: അശ്വതി, അനശ്വര)
Facebook Comments
Comments
SREEKUMAR PURUSHOTHAMAN 2016-08-26 07:35:38
നല്ല കവിത മഞ്ജുള .. കൂടുതൽ എഴുതാൻ ആശംസകൾ,..
വിദ്യാധരൻ 2016-08-26 10:15:51
നല്ലൊരു കവിത വായിച്ചപ്പോൾ
തിളപ്പൂ രക്തം ധമനികളിൽ
കേരളം മാത്രം അല്ല കുട്ടി
ലോകം എങ്ങും അഴുമതി താൻ
രാഷ്ട്രീയക്കാർ മതനേതാക്കൾ
മുങ്ങി നിൽപ്പൂ അഴുമതിയിൽ
ചെകുത്താന്മാരും ദേവന്മാരും
ഒന്നായി നിന്ന് ഭരിക്കുന്നു
ലോകമാകെ നോക്കുകിൽ കാണാം
അധർമ്മത്തിന്റെ തേർവാഴ്ച
അമേരിക്കയിലും ആഫ്രിക്കയിലും
പശ്ചിമേഷ്യ, റഷ്യ ചൈന
ഋഷി സംസക്കാര ഈറ്റില്ലമാം
ഭാരത മണ്ണിൽ പോലും കാണാം
ചൂഷിതമായൊരു ജനത.
ശ്വാസം മുട്ടി മരിച്ചീടുന്നു
ഗതിയില്ലാതനുദിനവും
ഇല്ല നമുക്കാവില്ലവരെ
നേരെയാക്കാൻ ഒരുനാളും
ചിരിച്ചുകൊണ്ട് കഴുത്തറക്കും
മതനേതാക്കൾ രാഷ്ട്രീയക്കാർ.
എന്നാൽ ആകും ബഹിഷ്ക്കരിക്കാൻ
അധർമ്മികളിവരെ ഒന്നായി
ഓർക്കുന്നില്ലേ ഗാന്ധിജി പണ്ട്
ബ്രിട്ടീഷ് രാജു തുരത്തിയത്.
നിസ്സഹരണവും സത്യാഗ്രഹവും
സുശക്തമാണിന്നും ഓർക്കുക നാം
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala