മധുര: മധുരയില്‍ വാന്‍ കൊക്കയിലേക്ക്‌ മറിഞ്ഞ്‌ പത്തുപേര്‍ മരിച്ചു. മധുരയിലെ തിരുമംഗലത്തിനു സമീപം നക്കലക്കോട്ടയിലാണ്‌ അപകടമുണ്ടായത്‌. മരിച്ചവരില്‍ നാലു കുട്ടികളും 2 സ്‌ത്രീകളും ഉള്‍പ്പെടുന്നു. മൂന്നു പേര്‍ക്ക്‌ പരിക്കേറ്റു.

തേവാരത്തു നിന്നു തൂത്തുകുടിയിലേയ്‌ക്കു വരികയായിരുന്ന വിവാഹസംഘത്തിന്റെ വാഹനമാണ്‌ അപകടത്തില്‍പ്പെട്ടത്‌. പരിക്കേറ്റവരെ തിരുമംഗലം സര്‍ക്കാര്‍ ആശുപത്രിയില്‍ പ്രവേശിപ്പിച്ചച്ചു.
അപകടത്തേത്തുടര്‍ന്ന്‌ പ്രദേശവാസികളാണ്‌ രക്ഷാപ്രവര്‍ത്തനത്തിനു നേതൃത്വം നല്‍കിയത്‌.