പുത്തനായി പെയ്ത മഴയ്ക്കറിയുമോ
പുത്തനുണ്ണിയുടെ
കുസൃതികള്
പാടിപതിഞ്ഞ വീണയ്ക്കറിയുമോ
പാടാത്ത പെണ്ണിന്റെ
വേദനകള്
ഇനിയൊരുങ്ങാം നമുക്കൊരു
പാതയില് ഒന്നായി
നീങ്ങാം
നമുക്കായി നടുക്കടലില് ഒരു
ദ്വീപ്
പൊന്തിയിരിക്കുന്നു
കാറ്റിലൊരു പട്ടത്തിന്റെ
വേരറുത്ത
പക്ഷിയുടെ ഉടലറുക്കാനൊരുങ്ങവേ
കാലിലൊരു
കട്ടുറുമ്പിന് കടിയും
കലിയും കവിതയ്ക്ക്
അക്ഷരത്തെറ്റും
ഇനിയൊരു മരുപച്ച തേടാം,
എനിക്ക്
മടങ്ങിവരാന് ഇനിയൊരു കപ്പലില്ലല്ലോ
മടങ്ങിവരാന്
എനിക്കൊരു കരയുമില്ലല്ലോ
കരയുവാന് കണ്ണീരുമില്ലല്ലോ,
കരയാതിരിക്കാന് കാരണവുമില്ലല്ലോ
കാറ്റെന്റെയിടനെഞ്ചില്
തുടിച്ചൊഴുകുന്നു
കര വിട്ട് കടലില് ഒരു
ഇലയൊഴുകുന്നു
കാറ്റെന്റെയിടനെഞ്ചില് തുടിച്ചൊഴുകുന്നു
മറന്നു
തുടങ്ങാം, പൊയ്തും ചെയ്തതും
എന്റെ വിപ്ലവങ്ങളുടെ
കുത്തഴിയുന്നു.