നാടകം, പെണ്‍നടനം സന്തോഷ് കീഴാറ്റൂര്‍ വിസ്മയിപ്പിക്കുന്നു
അനില്‍ പെണ്ണുക്കര Published on 17 October, 2016
നാടക മുള്‍പ്പെടെയുള്ള കലാരൂപങ്ങളോട് പൊതുവെ മുഖീ തിരിച്ചു നില്‍ക്കുന്നവരെന്ന് നാം
കരുതിയ പുതുമുറക്കാര്‍ പഞ്ചപുച്ചമടക്കി ആനന്ദ നിര്‍വ്യതിയില്‍ അലിഞ്ഞിരിക്കുന്ന
കാഴ്ച എന്നെ കുറച്ചൊന്നുമല്ല എന്നെ അത്ഭുതപ്പെടുത്തിയത്.വേദികളില്‍ നിന്ന്
വേദികളിലേക്ക് ഒഴുകിയെത്തുന്ന ഒരു നാടകം. "പെണ്‍നടന്‍ "
പെണ്‍ നടന്‍ അക്ഷരാര്‍ത്ഥത്തില്‍ നിറഞ്ഞാടി വിസ്മയിപ്പിച്ചു. പെണ്‍നടന്‍ സംവദിക്കുന്ന ഭാഷയാണ് മുഖ്യം. ശരീരഭാഷ ,അതിന്റെ അതിരുകള്‍.നടന്റെയും സംവിധായകന്റെയും സൂക്ഷ്മമായ നിരീക്ഷണത്തിന്റെ ഉത്പന്നമാണ് പെണ്‍നടന്‍ .
കേരളത്തിന്റെ മഹാനായ നാടക നടന്‍ വേലു കുട്ടി ആശാനെ ഓര്‍മിപ്പിക്കാന്‍ ഒരു നാടകം വീണ്ടും അരങ്ങില്‍ അവതരിപ്പിക്കുകയാണ് സന്തോഷ് കീഴാറ്റൂര്‍ .ഇപ്പോള്‍ മലയാള സിനിമയുടെ അവിഭാജ്യ ഘടകമായ സന്തോഷ് കീഴാറ്റൂര്‍ വേലു കുട്ടി ആശാന്റെ പ്രശസ്തമായ സ്ത്രീ വേഷങ്ങളില്‍ ഒന്നാണ് "വാസവദത്ത".ഈ നാടകത്തെ വേദിയില്‍ വീണ്ടും അവതരിപ്പിക്കുകയാണ് "പെണ്‍ നടന്‍ "എന്ന നാടകത്തിലൂടെ ....
നടന വിസ്മയത്തിന്റെ അനന്ത സാധ്യതകള്‍ തുറന്നു വെച്ച ഒരു നാടക കാലവും മലയാളികള്‍ക്കുണ്ടായിരുന്നു. ആ കാലം തിരിച്ചു കൊണ്ടുവരികയാണ് സന്തോഷ് കീഴാറ്റൂര്‍.
അഭിനേതാക്കളെന്നു പറയുമ്പോള്‍ നായകന്മാര്‍ എന്നതിലുപരി സ്വഭാവനടന്മാരായും വില്ലന്മാരായും തിളങ്ങുന്ന എത്രയോ നടന്മാര്‍. ആ നിരയിലേക്കാണ് അഭിനയത്തികവുകൊണ്ട് മലയാളസിനിമയ്ക്ക് താങ്ങാകാന്‍ തക്ക പ്രതിഭയുള്ള നടനായ സന്തോഷ് കീഴാറ്റൂര്‍ എത്തിയത്.
കേരളത്തിലെ പ്രഫഷണല്‍ അമച്വര്‍ നാടകരംഗത്ത് 25 വര്‍ഷമായി അഭിനേതാവായും സംവിധായകനായും നിറഞ്ഞു നില്‍ക്കുകയാണദ്ദേഹം.
പത്തേമാരിയില്‍ മജീദ് കാവുങ്കല്‍ പെണ്‍ നടനിലെ വാസവദത്ത ആകുന്നതിനു പിന്നിലെ ചരിത്രം തിരയുമ്പോള്‍ മലയാള നാടക ലോകത്തെ കുലപതി ഓച്ചിറ വേലുക്കുട്ടി ആശാന് നല്‍കുന്ന തിലോദകം കൂടിയാണ്
അരങ്ങു കയറാന്‍ സ്ത്രീകള്‍ മടിച്ചിരുന്ന കാലത്ത്, 100 ശതമാനം മികവോടെ പെട്രോമാക്സിന്റെ വെളിച്ചത്തെയും തോല്‍പ്പിച്ച് സ്ത്രീകളെ പോലും ഭ്രമിപ്പിച്ചു കൊണ്ടാണ് ഓച്ചിറ വേലുക്കുട്ടി ആശാന് അരങ്ങിലെത്തിയിരുന്നത് .
ദശാബ്ദങ്ങള്‍ക്കു മുമ്പ് ജീവിച്ചിരുന്ന, പകരം വെയ്ക്കാനാവാത്ത അതുല്യ പ്രതിഭ. ആകര്‍ഷകമായ മുഖ ശ്രീ കൊണ്ടും ഇമ്പമാര്‍ന്ന ശബ്ദമാധുര്യം കൊണ്ടും കാണികളെ കൈയ്യിലെടുത്തിരുന്നു ആശാന്.
സ്ത്രീ വേഷമണിഞ്ഞതില്‍ പിന്നെ വേലുക്കുട്ടി ആശാന് സ്‌റ്റേജില്‍ ഗംഭീരസ്വീകരണമായിരുന്നു. 1932ല്‍ കുമാരനാശാന്റെ കരുണയിലെ വാസവദത്തയ്ക്ക് ആശാന് ജീവന്‍ നല്‍കി.അരങ്ങു ജീവിതത്തിലെ പെണ്‍വേഷങ്ങളിലെ എക്കാലത്തേയും മികച്ചതായി അത്. അരങ്ങിലെ ജീവിതം ആഘോഷിക്കപ്പെടുമ്പോഴും വ്യക്തി ജീവിതം കരിന്തിരി പോലെകത്തിത്തീരുകയായിരുന്നു.
"അവതാരപുരുഷന്‍" എന്ന നാടകത്തില്‍ സന്തോഷ് കീഴാറ്റൂര്‍ ഓച്ചിറ വേലുക്കുട്ടിയാശാനായി വേഷമിട്ടതോടെ ആണ് ആശാനേ മനസിലെ ആവാഹിച്ചത് സി.എന്‍.ശ്രീകണ്ഠന്‍നായര്‍ അവാര്‍ഡ് ഉള്‍പ്പടെ ഒട്ടേറെ പുരസ്കാരളാണ് സന്തോഷിനു അവതാര പുരുഷനിലൂടെ ലഭിച്ചത്.
കുമാരനാശാന്റെ കൃതികളിലെ സ്ത്രീ കഥാപാത്രങ്ങളെ അരങ്ങില്‍ അവതരിപ്പിച്ച് പ്രസിദ്ധനായ വേലുക്കുട്ടി എന്ന അതുല്യ പ്രതിഭയുടെ അരങ്ങും ജീവിതവും സംഗീത പ്രാധാന്യത്തോടെ ഏകാംഗനാടകമായി അവതരിപ്പിക്കണം എന്ന് തോന്നി .അങ്ങനെ അദ്ദേഹത്തിന്റെ വാസവദത്ത എന്ന നാടകം അവതരിപ്പിക്കുന്നതോടെ അദ്ദേഹത്തിന്റെ ജീവിതവും ഒപ്പം ചേര്‍ത്തു.
അരങ്ങിലെ സ്ത്രീയെ തന്മയത്തോടെ അവതരിപ്പിച്ച ആ മഹാപ്രതിഭയുടെ ജീവിതത്തതിന്റെ ഓര്‍മ്മപ്പെടുത്തലായിരുന്നു പെണ്‍നടന്‍. സന്തോഷിനു വെല്ലുവിളി ആയിരുന്നു എന്ന് നാടകം കാണുന്നവര്‍ക്കു മനസിലാകും.ഒറ്റയ്ക്ക് ഒന്നേകാല്‍ മണിക്കൂര്‍ സ്‌റ്റേജില്‍ നൃത്തവും പാട്ടും എല്ലാമായി നിറഞ്ഞു നില്‍ക്കുകയാണ് സന്തോഷ് .അരങ്ങിലെ പെണ്‍നടന്റെ കിടപ്പറയില്‍ ഒളിഞ്ഞുനോക്കാന്‍ പോലും തയാറായ സമൂഹത്തില്‍ അദ്ദേഹത്തിന് നേരിടേണ്ടി വന്ന അപമാനങ്ങളും അവഹേളനങ്ങളും ഊഹിക്കാവുന്നതിനപ്പുറമായിരുന്നു.
ഒരു കയറ്റത്തിന് ഒരു ഇറക്കം പോലെ വ്യക്തി ജീവിതത്തിലെ പരാജയവും, രോഗവും ദുരിതവുമെല്ലാം വേലുക്കുട്ടിക്ക് തന്റെ ഏറ്റവും മികച്ച കഥാപാത്രമായ വാസവദത്തയുടെ ജീവിതം പോലെ ഏകാന്തവും ദുരിതപൂര്‍ണ്ണവുമായ ജീവിതാന്ത്യത്തിന് സ്വയം കീഴടങ്ങേണ്ടി വന്നു.
അരങ്ങിലെ പെണ്‍വേഷത്തില്‍ നിന്നും ജീവിതത്തിലെ പുരുഷനിലേയ്ക്കുള്ള ദൂരമാണ് പെണ്‍നടന്‍. പെണ്‍നടന്‍ ചെയ്യാന്‍ സന്തോഷിനെ പ്രേരിപ്പിച്ച ഒരുപാട് ഘടകങ്ങളുണ്ട്.
മുപ്പതുകളില്‍ സ്ത്രീവേഷം കെട്ടിയ, പാട്ടുപാടി അഭിനയിച്ച, 7000ലധികം വേദികളില്‍ വാസവദത്തയെ അവതരിപ്പിച്ച ആ മഹാനടനെ കേരളത്തിലാരും ഓര്‍മ്മിക്കുന്നില്ല.
തൃശ്ശൂരില്‍ നടന്ന ദേശീയ സ്ത്രീ നാടകമത്സരത്തില്‍ മുംബൈയില്‍ നിന്നൊരു നാടകമുണ്ടായിരുന്നു,"സുന്ദരി".ഒരു നടനൊരുങ്ങുന്നു എന്നായിരുന്നു പേര്.
വേലുക്കുട്ടിയാശാന്റെ കാലഘട്ടത്തില്‍ ഗുജറാത്തി നാടകങ്ങളില്‍ സ്ത്രീവേഷം കെട്ടിയ ജയ്ശങ്കര്‍ സുന്ദരിയെന്ന നാടകനടന്റെ കഥയാണത്. ഒരിക്കല്‍ സന്തോഷ്ദ ദര്‍പ്പണയില്‍ പോകുന്നു .അവിടെ സുന്ദരിയുടെ പേരിലുള്ള വലിയ ഓഡിറ്റോറിയവും തീയറ്ററുമൊക്കെ കണ്ടപ്പോള്‍ സന്തോഷ് അത്ഭുതപ്പെട്ടു.
അതേ സമയം ഇവിടെ വേലുക്കുട്ടിയാശാനെക്കുറിച്ചാര്‍ക്കും അറിയില്ല. അദ്ദേഹത്തിന്റെ പേരില്‍ ഒരു സ്മാരകം പോയിട്ട് ഒരു കല്ലറ പോലുമില്ല. ആകെയുള്ളത് ഡോ.കെ. ശ്രീകുമാര്‍ എഴുതിയ ഒരു പുസ്തകം മാത്രം.
2008ല്‍ അവതാരപുരുഷന്‍ ചെയ്യുന്ന സമയംവരെ സന്തോഷിനു ആശാനെക്കുറിച്ച് ചെറിയ അറിവേ ഉണ്ടായിരുന്നുള്ളു. പ്രഫഷണല്‍ നാടകമെന്ന നിലയില്‍ അത് മികച്ച വിജയം നേടി. പക്ഷേ വേലുക്കുട്ടിയാശാന്റെ ജീവിതം അങ്ങനെയല്ല പറയേണ്ടതെന്ന് തോന്നലാണ് പെണ്‍ നടനില്‍ എത്തിയത്.
ഒരു വലിയ നാടകം ചെയ്യാനുള്ള ശേഷിയില്ലാത്തതിനാല്‍ അദ്ദേഹത്തെ ഒറ്റയാള്‍ നാടകത്തിലേക്ക് സന്നിവേശിപ്പിക്കാമെന്നു സന്തോഷ്തീ തീരുമാനിക്കുന്നത് അങ്ങനെ ആണ് . അങ്ങനെ സുഹൃത്തും നാടകകൃത്തുമായ സുരേഷ്ബാബുവും കൂടി വേലുക്കുട്ടിയാശാന്റെ ജീവിതം അടിസ്ഥാനപ്പെടുത്തി അക്കാലങ്ങളില്‍ സ്ത്രീവേഷം കെട്ടിയ നടന്‍മാരുടെ ജീവിതം കൂടിച്ചേര്‍ത്ത് പാപ്പുക്കുട്ടിയാശാന്‍ എന്ന കഥാപാത്രത്തിലൂടെ ആ നടന്റെ അരങ്ങിലും ജീവിതത്തിലുമുണ്ടായ പതനങ്ങള്‍ അവതരിപ്പിച്ചു.
ഈ നാടക നിര്‍മ്മിതിക്കായി നടക്കുന്നതിനിടയില്‍ ഒരിക്കലും മറക്കില്ലാത്ത ഒരു കാഴ്ച അവര്‍ കണ്ടു . കണ്ണൂരിലെ വളരെ പ്രശസ്തനായ ഒരു നാടകനടനെ പ്രായം കൂടിയപ്പോള്‍ അദ്ദേഹത്തെ ഒരു നാടകത്തിലുമെടുക്കുന്നില്ല. എങ്ങും അവസരം കിട്ടാതെ വന്ന അദ്ദേഹത്തോട് ഭാര്യ ചോദിച്ചു "ഇനിയെന്താണ് ഉദ്ദേശം, എന്നെ കൊണ്ട് നോക്കാന്‍ പറ്റില്ലാ''യെന്നു പറഞ്ഞ് ഭാര്യയും മകളും കൈയൊഴിയുന്നത് സന്തോഷും സുഹൃത്തും നേരിട്ട് കണ്ടു.ഇതെല്ലാം പെണ്‍നടന്‍ എന്ന നാടകത്തില്‍ കടന്നുവരുന്നുണ്ട്.. അരങ്ങിലെ വേഷത്തോട് എല്ലാവര്‍ക്കും ആരാധനയാണ്. വേഷം അഴിച്ച അവരുടെ ജീവിതമാര്‍ക്കുമറിയില്ല. അറിയാന്‍ താത്പര്യവുമില്ല.
സെലിബ്രിറ്റികളുടെ ജീവിതം ആഘോഷമാക്കുമ്പോള്‍ അരങ്ങില്‍ ഭ്രമിപ്പിച്ച നാടകനടന്‍ പിന്നീടെവിടെയെന്ന് ആര്‍ക്കുമറിയില്ല. വേലുക്കുട്ടിയാശാന്റെ ജീവിതം നാടകത്തിലും ഒറ്റയാള്‍നാടകമായും അവതരിപ്പിച്ചത് സന്തോഷ്മാത്രമാണ്.
സ്ത്രീവേഷം കെട്ടുമ്പോഴും ആശാന്റെയുള്ളില്‍ കെട്ടാതെപോയ പുരുഷവേഷങ്ങളുണ്ടായിരുന്നു. ലിംഗവിവവേചനം തീവ്രമായി നില നില്‍ക്കുന്ന നമ്മുടെ നാട്ടില്‍ അദ്ദേഹം സ്ത്രീയാണോ പുരുഷനാണോ എന്നറിയാന്‍ പലരും അന്ന് കിടപ്പറയില്‍ ഒളിഞ്ഞുനോക്കിയപ്പോള്‍ അദ്ദേഹമനുഭവിച്ച മനോവ്യഥ എത്രയായിരിക്കും.
ഇപ്പോഴും പെണ്‍വേഷം കെട്ടി അരങ്ങില്‍ വരുമ്പോള്‍ ആസ്വദിക്കുന്ന പലയാളുകളും അരങ്ങില്‍ നിന്നിറങ്ങി ക്കഴിഞ്ഞ് അഭിനന്ദിക്കാന്‍ കൈ തരുമ്പോഴറിയാം അതിലെ വ്യത്യാസം അറിയാമെന്നു സന്തോഷ് തന്നെ പറയുന്നു."അവരെന്നെ പുരുഷനായിട്ടോ അഭിനേതാവായിട്ടോ അല്ല, ഒരു സ്ത്രീ ശരീരമായിട്ടാണ് കാണുന്നത്"പെണ്‍നടന്‍ കാണികളില്‍ ഉണ്ടാക്കിയ മാറ്റമായി അതിനെ കാണാമെങ്കിലും മലയാളിയുടെ സദാചാര ബോധം കൂടി അതില്‍ വ്യക്തം.പെണ്‍നടന്‍ അരങ്ങുകളില്‍ നിന്ന് അരങ്ങുകളിലേക്കു ചേക്കേറുമ്പോള്‍ സന്തോഷ് കീഴാറ്റൂര്‍ എന്ന നടനെ കേരളം അടുത്തറിയുന്നു.അനുഭവിക്കുന്നു ..
പെണ്‍ നടന്‍ അക്ഷരാര്‍ത്ഥത്തില്‍ നിറഞ്ഞാടി വിസ്മയിപ്പിച്ചു. പെണ്‍നടന്‍ സംവദിക്കുന്ന ഭാഷയാണ് മുഖ്യം. ശരീരഭാഷ ,അതിന്റെ അതിരുകള്‍.നടന്റെയും സംവിധായകന്റെയും സൂക്ഷ്മമായ നിരീക്ഷണത്തിന്റെ ഉത്പന്നമാണ് പെണ്‍നടന്‍ .
കേരളത്തിന്റെ മഹാനായ നാടക നടന്‍ വേലു കുട്ടി ആശാനെ ഓര്‍മിപ്പിക്കാന്‍ ഒരു നാടകം വീണ്ടും അരങ്ങില്‍ അവതരിപ്പിക്കുകയാണ് സന്തോഷ് കീഴാറ്റൂര്‍ .ഇപ്പോള്‍ മലയാള സിനിമയുടെ അവിഭാജ്യ ഘടകമായ സന്തോഷ് കീഴാറ്റൂര്‍ വേലു കുട്ടി ആശാന്റെ പ്രശസ്തമായ സ്ത്രീ വേഷങ്ങളില്‍ ഒന്നാണ് "വാസവദത്ത".ഈ നാടകത്തെ വേദിയില്‍ വീണ്ടും അവതരിപ്പിക്കുകയാണ് "പെണ്‍ നടന്‍ "എന്ന നാടകത്തിലൂടെ ....
നടന വിസ്മയത്തിന്റെ അനന്ത സാധ്യതകള്‍ തുറന്നു വെച്ച ഒരു നാടക കാലവും മലയാളികള്‍ക്കുണ്ടായിരുന്നു. ആ കാലം തിരിച്ചു കൊണ്ടുവരികയാണ് സന്തോഷ് കീഴാറ്റൂര്‍.
അഭിനേതാക്കളെന്നു പറയുമ്പോള്‍ നായകന്മാര്‍ എന്നതിലുപരി സ്വഭാവനടന്മാരായും വില്ലന്മാരായും തിളങ്ങുന്ന എത്രയോ നടന്മാര്‍. ആ നിരയിലേക്കാണ് അഭിനയത്തികവുകൊണ്ട് മലയാളസിനിമയ്ക്ക് താങ്ങാകാന്‍ തക്ക പ്രതിഭയുള്ള നടനായ സന്തോഷ് കീഴാറ്റൂര്‍ എത്തിയത്.
കേരളത്തിലെ പ്രഫഷണല്‍ അമച്വര്‍ നാടകരംഗത്ത് 25 വര്‍ഷമായി അഭിനേതാവായും സംവിധായകനായും നിറഞ്ഞു നില്‍ക്കുകയാണദ്ദേഹം.
പത്തേമാരിയില്‍ മജീദ് കാവുങ്കല്‍ പെണ്‍ നടനിലെ വാസവദത്ത ആകുന്നതിനു പിന്നിലെ ചരിത്രം തിരയുമ്പോള്‍ മലയാള നാടക ലോകത്തെ കുലപതി ഓച്ചിറ വേലുക്കുട്ടി ആശാന് നല്‍കുന്ന തിലോദകം കൂടിയാണ്
അരങ്ങു കയറാന്‍ സ്ത്രീകള്‍ മടിച്ചിരുന്ന കാലത്ത്, 100 ശതമാനം മികവോടെ പെട്രോമാക്സിന്റെ വെളിച്ചത്തെയും തോല്‍പ്പിച്ച് സ്ത്രീകളെ പോലും ഭ്രമിപ്പിച്ചു കൊണ്ടാണ് ഓച്ചിറ വേലുക്കുട്ടി ആശാന് അരങ്ങിലെത്തിയിരുന്നത് .
ദശാബ്ദങ്ങള്‍ക്കു മുമ്പ് ജീവിച്ചിരുന്ന, പകരം വെയ്ക്കാനാവാത്ത അതുല്യ പ്രതിഭ. ആകര്‍ഷകമായ മുഖ ശ്രീ കൊണ്ടും ഇമ്പമാര്‍ന്ന ശബ്ദമാധുര്യം കൊണ്ടും കാണികളെ കൈയ്യിലെടുത്തിരുന്നു ആശാന്.
സ്ത്രീ വേഷമണിഞ്ഞതില്‍ പിന്നെ വേലുക്കുട്ടി ആശാന് സ്‌റ്റേജില്‍ ഗംഭീരസ്വീകരണമായിരുന്നു. 1932ല്‍ കുമാരനാശാന്റെ കരുണയിലെ വാസവദത്തയ്ക്ക് ആശാന് ജീവന്‍ നല്‍കി.അരങ്ങു ജീവിതത്തിലെ പെണ്‍വേഷങ്ങളിലെ എക്കാലത്തേയും മികച്ചതായി അത്. അരങ്ങിലെ ജീവിതം ആഘോഷിക്കപ്പെടുമ്പോഴും വ്യക്തി ജീവിതം കരിന്തിരി പോലെകത്തിത്തീരുകയായിരുന്നു.
"അവതാരപുരുഷന്‍" എന്ന നാടകത്തില്‍ സന്തോഷ് കീഴാറ്റൂര്‍ ഓച്ചിറ വേലുക്കുട്ടിയാശാനായി വേഷമിട്ടതോടെ ആണ് ആശാനേ മനസിലെ ആവാഹിച്ചത് സി.എന്‍.ശ്രീകണ്ഠന്‍നായര്‍ അവാര്‍ഡ് ഉള്‍പ്പടെ ഒട്ടേറെ പുരസ്കാരളാണ് സന്തോഷിനു അവതാര പുരുഷനിലൂടെ ലഭിച്ചത്.
കുമാരനാശാന്റെ കൃതികളിലെ സ്ത്രീ കഥാപാത്രങ്ങളെ അരങ്ങില്‍ അവതരിപ്പിച്ച് പ്രസിദ്ധനായ വേലുക്കുട്ടി എന്ന അതുല്യ പ്രതിഭയുടെ അരങ്ങും ജീവിതവും സംഗീത പ്രാധാന്യത്തോടെ ഏകാംഗനാടകമായി അവതരിപ്പിക്കണം എന്ന് തോന്നി .അങ്ങനെ അദ്ദേഹത്തിന്റെ വാസവദത്ത എന്ന നാടകം അവതരിപ്പിക്കുന്നതോടെ അദ്ദേഹത്തിന്റെ ജീവിതവും ഒപ്പം ചേര്‍ത്തു.
അരങ്ങിലെ സ്ത്രീയെ തന്മയത്തോടെ അവതരിപ്പിച്ച ആ മഹാപ്രതിഭയുടെ ജീവിതത്തതിന്റെ ഓര്‍മ്മപ്പെടുത്തലായിരുന്നു പെണ്‍നടന്‍. സന്തോഷിനു വെല്ലുവിളി ആയിരുന്നു എന്ന് നാടകം കാണുന്നവര്‍ക്കു മനസിലാകും.ഒറ്റയ്ക്ക് ഒന്നേകാല്‍ മണിക്കൂര്‍ സ്‌റ്റേജില്‍ നൃത്തവും പാട്ടും എല്ലാമായി നിറഞ്ഞു നില്‍ക്കുകയാണ് സന്തോഷ് .അരങ്ങിലെ പെണ്‍നടന്റെ കിടപ്പറയില്‍ ഒളിഞ്ഞുനോക്കാന്‍ പോലും തയാറായ സമൂഹത്തില്‍ അദ്ദേഹത്തിന് നേരിടേണ്ടി വന്ന അപമാനങ്ങളും അവഹേളനങ്ങളും ഊഹിക്കാവുന്നതിനപ്പുറമായിരുന്നു.
ഒരു കയറ്റത്തിന് ഒരു ഇറക്കം പോലെ വ്യക്തി ജീവിതത്തിലെ പരാജയവും, രോഗവും ദുരിതവുമെല്ലാം വേലുക്കുട്ടിക്ക് തന്റെ ഏറ്റവും മികച്ച കഥാപാത്രമായ വാസവദത്തയുടെ ജീവിതം പോലെ ഏകാന്തവും ദുരിതപൂര്‍ണ്ണവുമായ ജീവിതാന്ത്യത്തിന് സ്വയം കീഴടങ്ങേണ്ടി വന്നു.
അരങ്ങിലെ പെണ്‍വേഷത്തില്‍ നിന്നും ജീവിതത്തിലെ പുരുഷനിലേയ്ക്കുള്ള ദൂരമാണ് പെണ്‍നടന്‍. പെണ്‍നടന്‍ ചെയ്യാന്‍ സന്തോഷിനെ പ്രേരിപ്പിച്ച ഒരുപാട് ഘടകങ്ങളുണ്ട്.
മുപ്പതുകളില്‍ സ്ത്രീവേഷം കെട്ടിയ, പാട്ടുപാടി അഭിനയിച്ച, 7000ലധികം വേദികളില്‍ വാസവദത്തയെ അവതരിപ്പിച്ച ആ മഹാനടനെ കേരളത്തിലാരും ഓര്‍മ്മിക്കുന്നില്ല.
തൃശ്ശൂരില്‍ നടന്ന ദേശീയ സ്ത്രീ നാടകമത്സരത്തില്‍ മുംബൈയില്‍ നിന്നൊരു നാടകമുണ്ടായിരുന്നു,"സുന്ദരി".ഒരു നടനൊരുങ്ങുന്നു എന്നായിരുന്നു പേര്.
വേലുക്കുട്ടിയാശാന്റെ കാലഘട്ടത്തില്‍ ഗുജറാത്തി നാടകങ്ങളില്‍ സ്ത്രീവേഷം കെട്ടിയ ജയ്ശങ്കര്‍ സുന്ദരിയെന്ന നാടകനടന്റെ കഥയാണത്. ഒരിക്കല്‍ സന്തോഷ്ദ ദര്‍പ്പണയില്‍ പോകുന്നു .അവിടെ സുന്ദരിയുടെ പേരിലുള്ള വലിയ ഓഡിറ്റോറിയവും തീയറ്ററുമൊക്കെ കണ്ടപ്പോള്‍ സന്തോഷ് അത്ഭുതപ്പെട്ടു.
അതേ സമയം ഇവിടെ വേലുക്കുട്ടിയാശാനെക്കുറിച്ചാര്‍ക്കും അറിയില്ല. അദ്ദേഹത്തിന്റെ പേരില്‍ ഒരു സ്മാരകം പോയിട്ട് ഒരു കല്ലറ പോലുമില്ല. ആകെയുള്ളത് ഡോ.കെ. ശ്രീകുമാര്‍ എഴുതിയ ഒരു പുസ്തകം മാത്രം.
2008ല്‍ അവതാരപുരുഷന്‍ ചെയ്യുന്ന സമയംവരെ സന്തോഷിനു ആശാനെക്കുറിച്ച് ചെറിയ അറിവേ ഉണ്ടായിരുന്നുള്ളു. പ്രഫഷണല്‍ നാടകമെന്ന നിലയില്‍ അത് മികച്ച വിജയം നേടി. പക്ഷേ വേലുക്കുട്ടിയാശാന്റെ ജീവിതം അങ്ങനെയല്ല പറയേണ്ടതെന്ന് തോന്നലാണ് പെണ്‍ നടനില്‍ എത്തിയത്.
ഒരു വലിയ നാടകം ചെയ്യാനുള്ള ശേഷിയില്ലാത്തതിനാല്‍ അദ്ദേഹത്തെ ഒറ്റയാള്‍ നാടകത്തിലേക്ക് സന്നിവേശിപ്പിക്കാമെന്നു സന്തോഷ്തീ തീരുമാനിക്കുന്നത് അങ്ങനെ ആണ് . അങ്ങനെ സുഹൃത്തും നാടകകൃത്തുമായ സുരേഷ്ബാബുവും കൂടി വേലുക്കുട്ടിയാശാന്റെ ജീവിതം അടിസ്ഥാനപ്പെടുത്തി അക്കാലങ്ങളില്‍ സ്ത്രീവേഷം കെട്ടിയ നടന്‍മാരുടെ ജീവിതം കൂടിച്ചേര്‍ത്ത് പാപ്പുക്കുട്ടിയാശാന്‍ എന്ന കഥാപാത്രത്തിലൂടെ ആ നടന്റെ അരങ്ങിലും ജീവിതത്തിലുമുണ്ടായ പതനങ്ങള്‍ അവതരിപ്പിച്ചു.
ഈ നാടക നിര്‍മ്മിതിക്കായി നടക്കുന്നതിനിടയില്‍ ഒരിക്കലും മറക്കില്ലാത്ത ഒരു കാഴ്ച അവര്‍ കണ്ടു . കണ്ണൂരിലെ വളരെ പ്രശസ്തനായ ഒരു നാടകനടനെ പ്രായം കൂടിയപ്പോള്‍ അദ്ദേഹത്തെ ഒരു നാടകത്തിലുമെടുക്കുന്നില്ല. എങ്ങും അവസരം കിട്ടാതെ വന്ന അദ്ദേഹത്തോട് ഭാര്യ ചോദിച്ചു "ഇനിയെന്താണ് ഉദ്ദേശം, എന്നെ കൊണ്ട് നോക്കാന്‍ പറ്റില്ലാ''യെന്നു പറഞ്ഞ് ഭാര്യയും മകളും കൈയൊഴിയുന്നത് സന്തോഷും സുഹൃത്തും നേരിട്ട് കണ്ടു.ഇതെല്ലാം പെണ്‍നടന്‍ എന്ന നാടകത്തില്‍ കടന്നുവരുന്നുണ്ട്.. അരങ്ങിലെ വേഷത്തോട് എല്ലാവര്‍ക്കും ആരാധനയാണ്. വേഷം അഴിച്ച അവരുടെ ജീവിതമാര്‍ക്കുമറിയില്ല. അറിയാന്‍ താത്പര്യവുമില്ല.
സെലിബ്രിറ്റികളുടെ ജീവിതം ആഘോഷമാക്കുമ്പോള്‍ അരങ്ങില്‍ ഭ്രമിപ്പിച്ച നാടകനടന്‍ പിന്നീടെവിടെയെന്ന് ആര്‍ക്കുമറിയില്ല. വേലുക്കുട്ടിയാശാന്റെ ജീവിതം നാടകത്തിലും ഒറ്റയാള്‍നാടകമായും അവതരിപ്പിച്ചത് സന്തോഷ്മാത്രമാണ്.
സ്ത്രീവേഷം കെട്ടുമ്പോഴും ആശാന്റെയുള്ളില്‍ കെട്ടാതെപോയ പുരുഷവേഷങ്ങളുണ്ടായിരുന്നു. ലിംഗവിവവേചനം തീവ്രമായി നില നില്‍ക്കുന്ന നമ്മുടെ നാട്ടില്‍ അദ്ദേഹം സ്ത്രീയാണോ പുരുഷനാണോ എന്നറിയാന്‍ പലരും അന്ന് കിടപ്പറയില്‍ ഒളിഞ്ഞുനോക്കിയപ്പോള്‍ അദ്ദേഹമനുഭവിച്ച മനോവ്യഥ എത്രയായിരിക്കും.
ഇപ്പോഴും പെണ്‍വേഷം കെട്ടി അരങ്ങില്‍ വരുമ്പോള്‍ ആസ്വദിക്കുന്ന പലയാളുകളും അരങ്ങില്‍ നിന്നിറങ്ങി ക്കഴിഞ്ഞ് അഭിനന്ദിക്കാന്‍ കൈ തരുമ്പോഴറിയാം അതിലെ വ്യത്യാസം അറിയാമെന്നു സന്തോഷ് തന്നെ പറയുന്നു."അവരെന്നെ പുരുഷനായിട്ടോ അഭിനേതാവായിട്ടോ അല്ല, ഒരു സ്ത്രീ ശരീരമായിട്ടാണ് കാണുന്നത്"പെണ്‍നടന്‍ കാണികളില്‍ ഉണ്ടാക്കിയ മാറ്റമായി അതിനെ കാണാമെങ്കിലും മലയാളിയുടെ സദാചാര ബോധം കൂടി അതില്‍ വ്യക്തം.പെണ്‍നടന്‍ അരങ്ങുകളില്‍ നിന്ന് അരങ്ങുകളിലേക്കു ചേക്കേറുമ്പോള്‍ സന്തോഷ് കീഴാറ്റൂര്‍ എന്ന നടനെ കേരളം അടുത്തറിയുന്നു.അനുഭവിക്കുന്നു ..
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala