കുവൈത്ത് സിറ്റി : നായര്‍ സര്‍വീസ് സൊസൈറ്റി കുവൈത്ത് സൗജന്യ മെഡിക്കല്‍ ക്യാമ്പ് സംഘടിപ്പിക്കുന്നു. ഇന്ത്യന്‍ ഡോക്ടേഴ്‌സ് ഫോറം, കുവൈത്ത് ഹാര്‍ട്ട് ഫൗണ്ടേഷന്‍, ഇന്ത്യന്‍ ഡന്റല്‍ അസോസിയേഷന്‍ എന്നിവര്‍ പങ്കാളികളാകുന്ന വൈദ്യ പരിശോധന ഡിസംബര്‍ 16–നു വെള്ളിയാഴ്ച രാവിലെ 7.30 മുതല്‍ ഉച്ചയ്ക്ക് ഒന്നുവരെ നടക്കുമെന്നു ഭാരവാഹികള്‍ അറിയിച്ചു. 

രക്തസമ്മര്‍ദ്ദം, ഷുഗര്‍, കൊളസ്‌ട്രോള്‍ തുടങ്ങിയ പരിശോധനയടക്കം എല്ലാവിധ ചെക്കപ്പും ക്യാമ്പില്‍ തികച്ചും സൗജന്യമായിരിക്കും. കാര്‍ഡിയോളജി, ഡയബറ്റിസ്, സ്‌കിന്‍, ഗൈനക്കോളജി, ഐ, ജനറല്‍ മെഡിസിന്‍, പീഡിയാട്രിക്, ഓര്‍ത്തോപീഡിക്, ഡെന്റല്‍ തുടങ്ങിയവയ്ക്ക് വിദഗ്ധ ഡോക്ടര്‍മാര്‍ ക്യാമ്പിലെത്തുന്നവരെ പരിശോധിച്ച് ആവശ്യമായ നിര്‍ദ്ദേശങ്ങള്‍ നല്‍കും. അത്യാധുനിക മെഡിക്കല്‍ ഉപകരണങ്ങള്‍ പ്രയോജനപ്പെടുത്തിയായിരിക്കും രോഗനിര്‍ണയം നടത്തുക. 

അബ്ബാസിയ യുണൈറ്റഡ് ഇന്ത്യന്‍ സ്‌കൂളില്‍ നടക്കുന്ന മെഡിക്കല്‍ ക്യാമ്പില്‍ പങ്കെടുക്കേണ്ടവര്‍ www.nsskuwait.com എന്ന വെബ്‌സൈറ്റില്‍ നിന്നോ അതാത് ഏരിയാ കോര്‍ഡിനേറ്റര്‍ മുഖേനയോ ഫോമുകള്‍ കൈപ്പറ്റി മുന്‍കൂര്‍ പേര് രജിസ്റ്റര്‍ ചെയ്യേണ്ടതാണ്.

മെഡിക്കല്‍ ക്യാമ്പില്‍ പങ്കെടുക്കാന്‍ താല്‍പര്യമുള്ളവര്‍ മുന്‍കൂട്ടി ബുക്ക് ചെയ്യുന്നതിനും വിശദവിവരത്തിനുമായി താഴെക്കാണുന്ന നമ്പറുകളില്‍ ബന്ധപ്പെടാവുന്നതാണ്.

റിപ്പോര്‍ട്ട്: സലിം കോട്ടയില്‍