തിരുവനന്തപുരം പദ്മനാഭസ്വാമി ക്ഷേത്രത്തില് ചുരിദാര് ധരിച്ച് പ്രവേശിക്കുന്നത് സംബന്ധിച്ചുള്ള വിലക്ക് താല്കാലികമായി തുടരട്ടെ എന്ന കോടതി വിധിയുടെ പശ്ചാത്തലത്തില് ഹൈക്കോടതി അഭിഭാഷകയായ സംഗീത ലക്ഷ്മണ എഴുതിയ ഫെയ്സ്ബുക്ക് കുറിപ്പ്
Here is my caveat. ഞാന് ഒരു ഹിന്ദുവാണ്, ഈശ്വരവിശ്വാസിയുമാണ്. ഇഷ്ടദൈവങ്ങളെ അവരുടെ ക്ഷേത്രങ്ങളില് പോയി കാണുന്ന ഭക്തയുമാണ് ഞാന് .
Now read on
പദ്മനാഭസ്വാമിക്ഷേത്രത്തില് ചുരിദാര് ധരിച്ചു പ്രവേശിക്കരുതെന്ന് ഹൈക്കോടതി. ക്ഷേത്രത്തിലെ തന്ത്രിയാണ് ഇതു സംബന്ധിച്ച തീരുമാനം എടുക്കേണ്ടത്, കോടതി പറഞ്ഞു.
ഇജ്ജാതി വേഷംകെട്ടുകള് കാണുമ്പോഴാണ് ഹിന്ദുമതം തന്നെ വെറുത്തുപോകുന്നത്. കുറെ കാലം മുന്പ് ഒരിക്കല് ചുരിദാര് ധരിച്ചു കൊണ്ട് പഴവങ്ങാടി ഗണപതിക്ഷേത്രത്തില് തൊഴാന് പോയി ഞാന്. അവിടെ ചെന്നപ്പോള് അവിടുള്ള തന്ത്രികോന്തന്മാര്ക്ക് എന്നെ ഇഷ്ടമായി, ചുരിദാര് ഇഷ്ടവുമാണ് എന്നാല് എന്റെ മാറ് അഥവാ നെഞ്ച് ഭാഗം ഗണപതിഭഗാവാന് ഭ്രഷ്ടാണ് പോലും.
ദുപ്പട്ട ധരിക്കാതെ ചുരിദാര് മാത്രം ധരിച്ചു ചെന്നതിന് ക്ഷേത്രത്തിനകത്തേക്ക് പ്രവേശിക്കാനാകാതെ പുറത്തുനിന്ന് തൊഴുതു മടങ്ങി ഞാന്. അന്ന് മുതല് പിന്നെ ആ ക്ഷേത്രത്തില് പോകുമ്പോള് പുറത്തു നിന്ന് കൊണ്ട് ഗണപതിഭഗവാനോട് ഹായ് പറഞ്ഞിട്ട് ഞാനിങ്ങു പോരും.
ചുരിദാര് അല്ല എന്ത് ധരിച്ചു കൊണ്ട് ഞാന് എവിടെ നിന്നാലും ഈ പദ്മനാഭസ്വാമിയും ഗണപതി ഭഗവാനുമൊക്കെ എന്നെ കാണുന്നുണ്ടാവുമല്ലോ... അല്ലേ, അങ്ങനല്ലേ? ഈ ദൈവങ്ങള് എന്റെ നെഞ്ചത്തോട്ട് നോക്കുന്നോ അതോ എന്റെ കാലിന്റെ ഇടയിലോട്ട് നോക്കുമോ എന്നൊക്കെയുള്ള ആവലാതി എനിക്കില്ല. എന്റെ ദൈവങ്ങള്ക്കും അങ്ങനൊരു ആധിയോ വ്യാധിയോ ഉണ്ടാവില്ല തന്നെ.
പറഞ്ഞു വന്നത് എന്റെയും എന്റെ ദൈവങ്ങളുടെയും ഇടയില് നില്ക്കുന്നവര്ക്കാണ് ഇതൊക്കെ വിഷയം, പ്രശ്നം. മനസ്സ് വൃത്തിയാക്കി എടുക്കണം ആദ്യം എന്നിട്ടത് ശുദ്ധിയോടെ സൂക്ഷിക്കുക ഈ ക്ഷേത്രസദാചാര സമിതികമ്മിറ്റി ഭാരവാഹികള്.!!
സന്ദര്ഭവശാല് ഓര്മ്മ വന്നതാണ് നമ്മുടെ ക്ഷേത്രങ്ങളിലെ തന്ത്രിമാരുടെ ശരീരശാസ്ത്രമുണ്ടല്ലോ, unbearable it is. ഇവരില് പലരുടെയും വയറിന് ഏഴുമാസം ഗര്ഭമുണ്ടെന്ന് തോന്നിപോകും, മാറോ ഷക്കീല തോറ്റുപോകും! എന്നിട്ട് ഇക്കൂട്ടര് ബ്രേസിയര് പോലും ധരിക്കാതെ, അരയ്ക്ക് കീഴേ മാത്രം മറയ്ക്കുന്ന രീതിയില് ഒരു സീ ത്രൂ തോര്ത്ത് ഈറനണിഞ്ഞുകൊണ്ട്, തിരിഞ്ഞുനിന്നാല് ചെറുപ്പകാലത്തെ ജയഭാരതിയോ എന്നു നമുക്ക് സംശയം തോന്നുന്ന പോലുള്ള അരക്കെട്ടുള്ള ഈ തന്ത്രിമാര് അവരുടെ ദുര്മേദസ്സ് പൊതുദര്ശനത്തിനായി ക്ഷേത്രത്തിനകത്ത് മുഴുവന് ഉരുട്ടികൊണ്ടു നടക്കുന്ന ഒരു കാഴ്ച്ചയുണ്ട്, എന്റെ ദൈവങ്ങളേ...!!! ഹിന്ദുമതമല്ല, പുരുഷശരീരം എന്നത് തന്നെ വെറുത്തുപോകും!! ഓക്കാനം വരും!! ബ്വേ!!
PS: പല സ്ത്രീകളും സാരി ധരിക്കുന്നത് കണ്ടിട്ടുണ്ടോ? വലത് വശത്തുകൂടി വലത്തേ മുല പകുതിയിലധികവും പുറത്തുകാണും വിധം, ഇടതുവശത്തുകൂടി ഇടത്തെ മുല മാത്രമല്ല വയറിന്റെ മുക്കാല് ഭാഗവും display ഉണ്ടാവും. റിയര് വ്യൂ പിന്നെ പറയണ്ട!! ഈ വിധം സാരിയും മുണ്ടും നേരിയതുമൊക്കെ ധരിച്ചു പ്രവേശിച്ചാല് ഇല്ലാത്ത എന്ത് ഉത്തേജനമാണ് ചുരിദാര് ധരിച്ച് ക്ഷേത്രങ്ങളില് പ്രവേശിച്ചാല് ഉണ്ടായിപോവുക?
സംശയമാണ് എന്റെ വെറും സംശയമാണ്.
what kind of bulshit she is writing. It is shame for e malayalee to publish this type of articles.If she donot like hindus, pl take her hindu name and put some other names.