അപകടത്തെ തുടര്‍ന്ന്‌ വിശ്രമജീവിതം നയിക്കുന്ന ജഗതിയെ കാണാന്‍ പ്രതിനിധികളും ചലച്ചിത്ര പ്രവര്‍ത്തകരും തിങ്ങിക്കൂടി. പരിചയം പുതുക്കാനെത്തിയ സഹപ്രവര്‍ത്തര്‍ക്കും സുഹൃത്തുക്കള്‍ക്കും അദ്ദേഹം ചെറുപുഞ്ചിരി സമ്മാനിച്ചു. 

 വേദിയിലേക്ക്‌ വൈകിയെത്തിയ നടി ഷീലയോട്‌ മൗനത്തിന്റെ ഭാഷയില്‍ സൗഹൃദം പുതുക്കി. പിന്നീട്‌ ഷീലക്കൊപ്പം ഉദ്‌ഘാടനത്തിന്റെ ഔപചാരികതയിലേക്ക്‌. ഇരുവരും ചേര്‍ന്ന്‌ റിബണ്‍ മുറിച്ച്‌ ഇന്‍സ്റ്റലേഷന്റെ ഉദ്‌ഘാടനം. സംവിധായകരായ ഐ.വി ശശി, ലാല്‍ ജോസ്‌, ശ്യാമപ്രസാദ്‌, ബി. ഉണ്ണികൃഷ്‌ണന്‍, പി.ടി കുഞ്ഞുമുഹമ്മദ്‌, സിബി മലയില്‍, ടി.വി ചന്ദ്രന്‍, നിര്‍മ്മാതാവ്‌ പി.വി ഗംഗാധരന്‍ തുടങ്ങിയവര്‍ ജഗതിക്കൊപ്പം ഉദ്‌ഘാടന ചടങ്ങില്‍ പങ്കെടുത്തു. 

മലയാള സിനിമയുടെ ചരിത്രം ആലേഖനം ചെയ്‌ത്‌ ലിജിന്‍ തോമസ്‌ നിര്‍മ്മിച്ച വീഡിയോ ഇന്‍സ്റ്റലേഷനാണ്‌ ടാഗോര്‍ തിയേറ്ററില്‍ ഒരുക്കിയിട്ടുള്ളത്‌.