ശോഭന് ബാബുവില് ജയലളിതയ്ക്ക് ഉണ്ടായ മകള് എന്ന പേരില് ജയലളിതയുടെ നേരിയ ഛായയുള്ള ഒരു യുവതിയുടെ ഫോട്ടോ കഴിഞ്ഞ ദിവസങ്ങളില് സോഷ്യല് മീഡിയയില് പ്രചരിച്ചിരുന്നു. അമേരിക്കയിലാണ് ഈ മകള് എന്നും ഇതിനൊപ്പം ഉണ്ടായിരുന്നു. എന്നാല് ഇതിന്റെ സത്യാവസ്ഥ വെളിപ്പെടുത്തി രംഗത്തെത്തിയിരിക്കുകയാണ് ഗായിക ചിന്മയി. തന്റെ ബന്ധത്തിലുള്ള തിരുവന്തപുരം സ്വദേശി ദിവ്യ രാമനാഥന്റെതാണ് ആ ഫോട്ടോയെന്നാണ് ചിന്മയി വ്യക്തമാക്കിയത്. ഭര്ത്താവിനൊപ്പം ഓസ്ട്രേലിയയിലാണ് ദിവ്യ താമസിക്കുന്നത്. തന്റെ സഹോദരന്റെ ഭാര്യയാണിതെന്ന് വ്യക്തമാക്കി മൃദംഗ കലാകാരന് ട്രിവാണ്ട്രം ബാലാജിയും രംഗത്തെത്തിയിട്ടുണ്ട്.