38 രാജ്യങ്ങള്‍, 103 വിദേശ പ്രതിനിധികള്‍, 184 ചിത്രങ്ങള്‍
ആഷ എസ് പണിക്കര്‍ Published on 14 December, 2016
ചലച്ചിത്രമേളയില്‍ പങ്കെടുക്കാന്‍ എത്തിയത്‌ 38 രാജ്യങ്ങളില്‍ നിന്നായി 103 വിദേശ പ്രതിനിധികള്‍. 62 രാജ്യങ്ങളില്‍ നിന്ന്‌ 184 ചിത്രങ്ങളാണ്‌ മേളയില്‍ പ്രദര്‍ശിപ്പിക്കുന്നത്‌. ചെക്കോസ്ലോവാക്യ, ബെല്‍ജിയം, ഖസാക്കിസ്ഥാന്‍, ഇറാന്‍, ആംസ്‌റ്റര്‍ഡാം, ഹോങ്‌ കോങ്‌, സ്വീഡന്‍, ജോര്‍ജ്ജിയ, തുര്‍ക്കി, ഈജിപ്‌ത്‌, ശ്രീലങ്ക, സൗദി അറേബ്യ, റൊമാനിയ, ഇന്തോണേഷ്യ, പ്രാഗ്‌ തുടങ്ങിയ രാജ്യങ്ങളില്‍ നിന്നാണ്‌ ചലച്ചിത്ര പ്രതിഭകളെത്തിയത്‌.
സിനിമാ ലോകത്തിന്‌ നല്‍കിയ സമഗ്ര സംഭാവനകള്‍ക്ക്‌ ചെക്കോസ്ലോവാക്യന്‍ സംവിധായകന്‍ ജിറി മെന്‍സലിനെ ചലച്ചിത്രോത്സവം ലൈഫ്‌ ടൈം അച്ചീവ്‌മെന്റ്‌ അവാര്‍ഡ്‌ നല്‍കി ആദരിച്ചു. ഐ.എഫ്‌.എഫ്‌.കെയില്‍ പങ്കെടുക്കാനായി കുടുംബസമേതമാണ്‌ അദ്ദേഹം കേരളത്തിലെത്തിയത്‌. അവാര്‍ഡിനൊപ്പം ഐ.എഫ്‌.എഫ്‌.കെയില്‍ പങ്കുചേരാന്‍ സാധിച്ചതിന്റെ സന്തോഷവും അദ്ദേഹം പങ്കുവച്ചു. അരവിന്ദന്‍ അനുസ്‌മരണ പ്രഭാഷണത്തില്‍ എത്യോപ്യന്‍ സംവിധായകനായ ഹെയിലി ഗരിമയായിരുന്നു മുഖ്യാതിഥി. ഇന്ത്യയിലെ ഏറ്റവും ജനപങ്കാളിത്തമുള്ള മേളയില്‍ പങ്കെടുക്കാനയതിലുള്ള സന്തോഷം മിക്ക വിദേശ പ്രതിനിധികളും പങ്കുവെച്ചു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala