മിസ്റ്റര്‍ പെര്‍ഫെക്ഷനിസ്റ്റ് എന്ന് എന്തുകൊണ്ട് ആമിറിനെ വിളിക്കുന്നു എന്ന് തെളിയിച്ചിരിക്കുകയാണ് ദംഗല്‍ എന്ന ചിത്രം. ബോക്‌സ്ഓഫീസില്‍ കുതിപ്പു തുടരുകയാണ് ആമിറിന്റെ ദംഗല്‍. പുറത്തിറങ്ങി വെറും മൂന്ന് ദിവസത്തിനുള്ളില്‍ 100 കോടി ക്ലബ്ബില്‍ ഇടം പിടിച്ചിരിക്കുകയാണ് ചിത്രം.

ഏറ്റവും വേഗം 100 കോടി ക്ലബില്‍ ഇടപിടിച്ച ചിത്രം എന്ന റെക്കോര്‍ഡ് ഇനി ദംഗലിനാണ്. ഒരു ദിവസം കൊണ്ട് ഏറ്റവുമധികം തുക വാരിക്കൂട്ടിയ ചിത്രം എന്ന പ്രത്യേകതയും ഇതിനുണ്ട്. ക്രിസ്മസ് ദിനത്തില്‍ മാത്രം ചിത്രം വാരിക്കൂട്ടിയത് 41.25 കോടിയാണ്. ഇതോടെ ചിത്രം വാരിയെടുത്തത് 104.25 കോടിയാണ്.

എല്ലാത്തരം എതിരപ്പുകളേയും മറികടന്നുകൊണ്ട് പെണ്‍മക്കളെ ഗുസ്തി പരിശീലിപ്പിച്ച് സ്വര്‍ണമെഡലിന് അര്‍ഹനാക്കിയ മഹാവീര്‍ സിങ്ങിന്റെ കഥയാണ് ചിത്രം പറയുന്നത്.