ന്യൂഡല്ഹി: ഇന്ത്യയിലെ അമേരിക്കന്
സ്ഥാനപതിയായി മുംബൈയില് ജനിച്ച ആഷ്ലി ടെല്ലിസ് ചുമതലയേല്ക്കുമെന്ന്
റിപ്പോര്ട്ട്. നിലവിലെ സ്ഥാനപതി ഇന്ത്യന് വംശജനായ റിച്ചാര്ഡ് വെര്മ ഈ മാസം 20 ന്
സ്ഥാനമൊഴിയും .
പ്രധാന രാജ്യങ്ങളില്
വിശ്വസ്തരെ നിയമിക്കുന്നതിന്റെ ഭാഗമായാണ് ആഷ്ലി ടെല്ലിസിന്റെ നിയമനം.
ഇന്തോ അമേരിക്ക ആണവ കരാറിന് രൂപം നല്കുന്നതില് മുഖ്യ
പങ്കുവഹിച്ച 55കാരനായ ടെല്ലിസ് കാര്നെജി എന്ഡോവ്മെന്റ് ഉദ്യോഗസ്ഥനാണ് .
ന്യൂഡല്ഹിയിലെ അമേരിക്കന് എംബസിയില് സീനിയര് അഡൈ്വസര്, യുഎസ് സുരക്ഷാ
കൗണ്സിലില് സ്പെഷ്യല് അസിസ്റ്റന്റ്, സ്ട്രാറ്റജിക് പ്ലാനിംഗ് സീനിയര്
ഡയറക്ടര് എന്നീ പദവികളിലും ടെല്ലിസ് മുന്പ് സേവനമനുഷ്ഠിച്ചിട്ടുണ്ട്.