മുംബൈ : മുംബൈ ബയന്തറില് നാല് വയസ്സുകാരിയെ കൂട്ടബലാത്സംഗം ചെയ്ത് കൊലപ്പടുത്തി
ചെളിയില് പൂഴ്ത്തി. സംഭവവുമായി ബന്ധപ്പെട്ട് മൂന്ന് പേരെ പൊലീസ് അറസ്റ്റ്
ചെയ്തു. ജനുവരി ഒമ്പതിന് ആസാദ് നഗറിലെ വീട്ടില്നിന്നും കാണാതായ പെണ്കുട്ടിയുടെ
ശരീരം ഭാഗികമായി കുഴിച്ചുമൂടിയ നിലയില് സമീപത്തെ ഒരു ചതുപ്പുനിലത്തില്
കണ്ടെത്തുകയായിരുന്നു.
വീടിന് സമീപം കളിച്ച്കൊണ്ടിരിക്കുകയായിരുന്ന
കുട്ടിയെ മധുരപലഹാരങ്ങള് വാഗ്ദാനം ചെയ്ത് ആളൊഴിഞ്ഞ സ്ഥലത്ത് കൊണ്ട് പോയി
കൂട്ടബലാത്സംഗത്തിനിരയാക്കുകയായിരുന്നു. പീഡനത്തിനിടയില് കുട്ടി മരിച്ചു.
തുടര്ന്ന് സമീപത്തെ ചതുപ്പില് കുട്ടിയെ കുഴിച്ചിടുകയായിരുന്നു.
പോസ്റ്റുമോര്ട്ടം റിപ്പോര്ട്ടില് ബലാത്സംഗം സ്ഥിരീകരിച്ചിട്ടുണ്ട്. മുഖ്യപ്രതി
പെണ്കുട്ടിയുടെ കുടുംബവുമായി അടുത്തബന്ധം പുലര്ത്തിയിരുന്നയാളാണെന്ന് പൊലീസ്
വ്യക്തമാക്കി