പുതുതായി ഫ്ളോറിഡ റീജിയന് രൂപീകരിക്കുന്നതിനെച്ചൊല്ലിഫോമയില്
പടലപ്പിണക്കത്തിന് തുടക്കം. പുതിയ പിളര്പ്പിനു
തുടക്കമിടാന്നേത്രുത്വംവഴിയൊരുക്കുകയാണെന്നു ഫോമാ ഫ്ളോറിഡാ റീജിയണല്
വൈസ്പ്രസിഡന്റ് റെജി ചെറിയാന് ആരോപിച്ചു. ഇ-മലയാളിക്കു നല്കിയ
പ്രസ്താവനയിലാണു ആരോപണം.
ഫ്ളോറിഡ റീജിയണ് രണ്ടാക്കുകയും റീജിയണല് വൈസ് പ്രസിഡന്റായി മത്സരിച്ചു
പരാജയപ്പെട്ട വ്യക്തിയെ പുതിയതായി രൂപം കൊടുത്ത റീജിയന്റെ വൈസ്
പ്രസിഡന്റായി തീരുമാനിക്കണം എന്നാവശ്യപ്പെട്ടു പല അംഗ സംഘടനകള്ക്കും
നേതാക്കള് കത്തയച്ചതായും റെജി ചെറിയാന് ആരോപിക്കുന്നു. എന്നാല് ഒരു ആര്
വി പി യെ തെരഞ്ഞെടുക്കുന്നതിനുള്ള യാതൊരു മാനദണ്ഡങ്ങളും
പാലിക്കാതെയാണ്ഇങ്ങനെ തീരുമാനം ഉണ്ടായത്. ഫോമയുടെ വെബ്സൈറ്റില് ഇതിനെ
കുറിച്ച് നോട്ടിഫിക്കേഷന് നടത്തിയിട്ടില്ല . ഫോമയുടെ ബൈലോ അനുസരിച്ചുള്ള
നിയമപരമായ ഒരു കാര്യവും പരിഗണിക്കാതെ തികച്ചും വ്യക്തിപരമായി, അതും
തെരഞ്ഞെടുപ്പില് പരാജയപ്പെട്ട വ്യക്തിയെ പുതിയ റീജിയന്റെ വൈസ്
പ്രസിഡണ്ടാക്കുന്നതില് അനൗചിത്യമില്ലേ? അദ്ദേഹം ചോദിക്കുന്നു .
കഴിഞ്ഞ ഇലക്ഷന് നടക്കുന്ന സമയത്തു ഫ്ളോറിഡ റീജിയന് രണ്ടാക്കണം എന്ന്
തീരുമാനം ഉണ്ടായിരുന്നു.എന്നാല് രണ്ടു റീജിയന് ആക്കി തെരഞ്ഞെടുപ്പ്
നടത്താന് സമ്മതിക്കാഞ്ഞത് നിലവിലെ നേത്രുത്വം ആയിരുന്നു. ഇലക്ഷന് കഴിഞ്ഞു
റീജിയന് രണ്ടാക്കുന്നതിനെ കുറിച്ച് ചര്ച്ച വന്നപ്പോള്2018വരെ ഫ്ളോറിഡാ
റീജിയണ് രണ്ടാക്കരുത് എന്ന് ഫോമാ മുന് പ്രസിഡന്റ് ജോണ് ടൈറ്റസ്
കമ്മിറ്റിയില് അഭിപ്രായപെട്ടതിനെ തുടര്ന്ന് ഈ തീരുമാനം മാറ്റുകയായിരുന്നു
. ഫോമയ്ക്ക് ഒരു സുവര്ണ്ണ കാലം സമ്മാനിച്ച ആദരണീയരായവരുടെ അഭിപ്രായവും,
എന്തിന് ജനറല് ബോഡിയുടെ അഭിപ്രായം പോലും ആരായാതെ തികച്ചും വ്യക്തിപരമായി
ഫ്ളോറിഡയിലെ അംഗ സംഘടനകള്ക്ക് ഫോണ് ചെയ്തു റീജിയണല് വൈസ് പ്രസിഡന്റായി
മത്സരിച്ചു പരാജയപ്പെട്ട വ്യക്തിയെ പുതിയതായി ഉണ്ടാക്കിയ റീജിയന്റെ വൈസ്
പ്രസിഡന്റായി അംഗ സംഘടനകള് തീരുമാനിക്കണമെന്നു
പറയുന്നത്ഉത്തരവാദിത്വപ്പെട്ട വ്യക്തികളില്നിന്നും ഉണ്ടാകുന്നത്
ആശാസ്യമല്ല .ഇതിനെതിരെ ശക്തിയായി പ്രതിഷേധിക്കുന്നു. ഫോമയെ ഇത്രനാള്
വളര്ത്തിയ അമേരിക്കന് മലയാളികള് ഇത് അറിയണം .
ഇങ്ങനെയൊരു തീരുമാനം ഫോമയില് നിന്ന് ഔദ്യോഗികമായി ഉണ്ടാകുകയാണെങ്കില്
ഫ്ളോറിഡയിലെ പല അംഗസംഘടനകളും ഫോമയില് നിന്നും രാജിവയ്ക്കും .
ഒറ്റയ്ക്ക്എടുത്ത ഒരു തീരുമാനമല്ല ഇത്. ഫോമയുടെ കഴിവുള്ള പല നേതാക്കളും
ഇന്ന് ഫോമയില് നിന്നും മാറി നില്ക്കുന്നു . എന്താണ് അതിനു കാരണം . അടുത്ത
കാലത്തുഉണ്ടായ ചില ആരോപണങ്ങളെ കുറിച്ച് അന്വേഷിക്കുകയോ അതിന്റെ സത്യാവസ്ഥ
കണ്ടെത്താനോ ഫോമയുടെ വളര്ച്ചയ്ക്ക് അനുകൂലമായ ഒരു തീരുമാനമെടുക്കുവാനോ
കഴിഞ്ഞില്ല . അതുകൊണ്ടു ഫോമയില് ഇനിയും വനിതാ പ്രവര്ത്തകര് ഉണ്ടാകില്ല
എന്നതാണ് സത്യം. കൂടാതെ മുന്പെങ്ങുമില്ലാത്തവിധം സംഘടനാ അരക്ഷിതാവസ്ഥയും
ഹൈജാക്കിങ്ങും ഉള്ളതായി പരാതിയുണ്ട് . ഫോമയെ ഒരു സാമുദായിക സംഘടനയാക്കി
മാറ്റാനുള്ള ശ്രമവും നടക്കുന്നു- റെജി ചെറിയാന് ആരോപിച്ചു.
കഴിഞ്ഞ കമ്മിറ്റിയുടെ ജനറല് ബോഡിയില് ഫ്ളോറിഡാ റീജിയന് രണ്ടാക്കണം ഏന്
തീരുമാനം ഉണ്ടായിരുന്നു . അങ്ങനെ നടന്നിരുന്നു എങ്കില് യാതൊരു
പ്രശ്നവുമില്ലായിരുന്നു . അതിനു സമ്മതിക്കാഞ്ഞത് ആരാണെന്നു എല്ലാവര്ക്കും
അറിയാം. എന്നാല് ഇപ്പോള് ഒരു കത്തിലൂടെ റീജിയണല് വൈസ് പ്രസിഡന്റിനെ
തെരഞ്ഞെടുക്കുന്നതിലെ ഔചിത്യം മനസിലാകുന്നില്ല. തന്നെയുമല്ല അമേരിക്കന്
നിയമം അനുസരിച്ചു നോണ് പ്രോഫിറ്റ്സംഘടനകളുടെഒരു എക്സിക്യുട്ടീവ്
കമ്മിറ്റിക്കും ജനറല് ബോഡി അറിയാതെ ഒരു തീരുമാനം എടുക്കുവാന് പറ്റില്ല .
ഇത്തരം തീരുമാനങ്ങള് ഫോമയില് ഇടം നേടിയാല് ഫോമയ്ക്കു അമേരിക്കയില്
തകര്ന്നുപോയ പല സംഘടനകളുടെയും ഗതി ഉണ്ടാകുമെന്നു റെജി ചെറിയാന് പറഞ്ഞു .
വളരെ പ്രതീക്ഷയോടെയാണ് ഫോമയില് വന്നത് . സംഘടനാപ്രവര്ത്തനം ഇന്നും
ഇന്നലെയും തുടങ്ങിയതല്ല . മികച്ച പ്രവര്ത്തന പാരമ്പര്യം കൈമുതലാക്കിയാണ്
ഫൊക്കാന മുതല് ഫോമാ വരെ എത്തിയത് . അത് തുടരുന്നതിനു യാതൊരു
പ്രശ്നവുമില്ല. അമേരിക്കന് മലയാളികളുടെ ഒത്തുചേരലിനെ സ്നേഹിക്കുന്ന
നിരവധി മലയാളികള് ഉണ്ട്, അവരുടെ കരുത്തും അവര് എന്നില്
അര്പ്പിച്ചിട്ടുള്ള വിശ്വാസവുമാണ് എന്നെ ഇവിടെ വരെ എത്തിച്ചത് . അതുകൊണ്ടു
ഈ പ്രശ്നത്തില്ഫോമയെ സ്നേഹിക്കുന്ന മുതിര്ന്ന നേതാക്കള് ഇടപെട്ടു
സംഘടനയുടെ ബൈലോ അനുസരിച്ചുള്ള തീരുമാനം ഉണ്ടാകും എന്നാണ് എന്റെ
വിശ്വാസം-അദ്ദേഹം പറഞ്ഞു.