ന്യൂദല്‍ഹി: പ്രശ്‌നങ്ങള്‍ ഉണ്ടെങ്കിലും പാക്കിസ്ഥാനുമായി നല്ല ബന്ധം തുടരാനാണ്‌ ഇന്ത്യ ആഗ്രഹിക്കുന്നതെന്ന്‌ വിദേശകാര്യ മന്ത്രി സുഷമ സ്വരാജ്‌. കഴിഞ്ഞ വര്‍ഷം ബന്ധം വഷളായെങ്കിലും മനുഷ്യത്വപരമായ കാര്യങ്ങളില്‍ പാക്കിസ്ഥാനുമായി സഹകരിച്ചുവരുകയാണെന്ന്‌ പാര്‍ലമെന്‍റില്‍ എഴുതി തയ്യാറാകിയ പ്രസ്‌താവനയില്‍ മന്ത്രി പറഞ്ഞു.

2015ലെ ഇസ്ലാമാബാദ്‌ സന്ദര്‍ശനത്തില്‍ ഉഭയക്ഷി ചര്‍ച്ചകള്‍ക്കുളള നടപടികള്‍ തുടങ്ങിയതാണ്‌. പക്ഷെ 2016 ജനുവരിയിലെ പത്താന്‍ കോട്ട്‌ ആക്രമണത്തെ തുടര്‍ന്ന്‌ ചര്‍ച്ച മുടങ്ങി. എന്നിരുന്നാലും മനുഷ്യത്വപരമായ പ്രശ്‌നങ്ങളില്‍ പാക്കിസ്ഥാനുമായി സഹകരിക്കുന്നുണ്ട്‌.