Image

മുഖ്യമന്ത്രി ആരാവണമെന്നു അറിയിക്കാന്‍ ജനങ്ങള്‍ക്ക്‌ എംഎല്‍എമാരുടെ നമ്പര്‍ ട്വീറ്റ്‌ ചെയ്‌ത്‌ അരവിന്ദ്‌ സ്വാമി

Published on 10 February, 2017
മുഖ്യമന്ത്രി ആരാവണമെന്നു  അറിയിക്കാന്‍ ജനങ്ങള്‍ക്ക്‌   എംഎല്‍എമാരുടെ നമ്പര്‍ ട്വീറ്റ്‌ ചെയ്‌ത്‌  അരവിന്ദ്‌ സ്വാമി

ചെന്നൈ: തമിഴ്‌നാട്‌ ഭരണം പിടിച്ചെടുക്കാന്‍ ശ്രമിക്കുന്ന ശശികലയെ വീഴ്‌ത്താന്‍ കോളിവുഡ്‌ സൂപ്പര്‍ താരം അരവിന്ദ്‌ സ്വാമിയും രംഗത്ത്‌. നേരത്തേ 
 കമല്‍ഹാസനും ശശികലയ്‌ക്കെതിരേ പ്രതിഷേധവുമായി രംഗത്തുവന്നിരുന്നു. 

ട്വിറ്റര്‍ അക്കൗണ്ടിലൂടെയാണ്‌ അരവിന്ദ്‌ സ്വാമി ശശികലയ്‌ക്കെതിരേ ആഞ്ഞടിച്ചിരിക്കുന്നത്‌. ഭൂരിപക്ഷം തെളിയിച്ച്‌ മുഖ്യമന്ത്രി കസേര സ്വന്തമാക്കുന്നതിനായാണ്‌ എംഎല്‍എമാരെ രഹസ്യകേന്ദ്രങ്ങളിലേക്ക്‌ മാറ്റിയ ശശികലയുടെ നീക്കമാണ്‌ അദ്ദേഹത്തെ പ്രകോപിതനാക്കിയത്‌. 

കോള്‍ യുവര്‍ ലോമേക്കര്‍ കാംപയ്‌നിന്‌ അദ്ദേഹം ട്വിറ്ററിലൂടെ തുടക്കമിടുകയായിരുന്നു. സംസ്ഥാനത്തെ എംഎല്‍മാരുടെ ഫോണ്‍ നമ്പറും അരവിന്ദ്‌ സ്വാമി ട്വീറ്റ്‌ ചെയ്‌തിട്ടുണ്ട്‌. ജനങ്ങളോട്‌ എംഎല്‍എമാരെ വിളിച്ച്‌ മുഖ്യമന്ത്രി ആരാവണമെന്നു തങ്ങളുടെ അഭിപ്രായം അറിയിക്കാനാണ്‌ അദ്ദേഹം ആവശ്യപ്പെട്ടിരിക്കുന്നത്‌. 

മുഴുവന്‍ നമ്പറുകളും സ്വിച്ച്‌ ഓഫ്‌ നമ്പര്‍ കണ്ട്‌ പലരും എംഎല്‍എമാരെ ഫോണ്‍ ചെയ്‌തെങ്കിലും എല്ലാവരുടെയും ഫോണ്‍ സ്വിച്ച്‌ ഓഫ്‌ ആയിരുന്നു. 

 അരവിന്ദ്‌ സ്വാമിയുടെ കോള്‍ യുവര്‍ ലോമേക്കര്‍ കാംപയ്‌നിന്‌ മികച്ച പ്രതികരണമാണ്‌ ലഭിക്കുന്നത്‌. പലരും നടന്റെ നീക്കത്തെ പ്രശംസിച്ച്‌ രംഗത്തുവന്നിട്ടുണ്ട്‌. ഏകാധിപത്യ തീരുമാനങ്ങളെടുക്കുന്നത്‌ ശരിയല്ലെന്നും ഇപ്പോഴത്തേത്‌ രാജഭരണമെല്ലെന്നും അരവിന്ദ്‌ സ്വാമി ട്വീറ്റ്‌ ചെയ്‌തു. 

മുഖ്യമന്ത്രി ആരാവണമെന്നു  അറിയിക്കാന്‍ ജനങ്ങള്‍ക്ക്‌   എംഎല്‍എമാരുടെ നമ്പര്‍ ട്വീറ്റ്‌ ചെയ്‌ത്‌  അരവിന്ദ്‌ സ്വാമി
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക