ന്യൂഡല്‍ഹി: തമിഴ്‌നാട്‌ മുന്‍ മുഖ്യമന്ത്രി ജയലളിതയും അണ്ണാ ഡിഎംകെ ജനറല്‍ സെക്രട്ടറി വി.കെ. ശശികലയും പ്രതികളായ അനധികൃത സ്വത്ത്‌ സന്‌പാദന കേസില്‍ സുപ്രീം കോടതി തിങ്കളാഴ്‌ച ഉത്തരവ്‌ പുറപ്പെടുവിക്കാനിടയില്ല. തിങ്കളാഴ്‌ച പരിഗണിക്കാനുള്ള കേസുകളുടെ പട്ടികയില്‍ ഈ കേസ്‌ ഉള്‍പ്പെടുത്തിയിട്ടില്ല.

കഴിഞ്ഞ ആഴ്‌ച കര്‍ണാടക സര്‍ക്കാര്‍ വിഷയം ഉന്നയിച്ചതിനെ തുടര്‍ന്ന്‌ ഈയാഴ്‌ച വിധി പറയുമെന്ന്‌ ജസ്റ്റീസുമാരായ പി.സി. ഘോഷ്‌, അമിതവ റോയി എന്നിവരുടെ ബെഞ്ച്‌ വ്യക്തമാക്കിയിരുന്നു. ഇതിന്‍റെ അടിസ്ഥാനത്തില്‍ ഇന്നു ഉത്തരവ്‌ പുറപ്പെടുവിച്ചേക്കുമെന്നു ദേശീയ മാധ്യമങ്ങള്‍ റിപ്പോര്‍ട്ട്‌ നല്‍കുകയും ചെയ്‌തിരുന്നു.