ന്യൂദല്‍ഹി: മൂന്നു മാസത്തിനിടെ നടത്തിയ വിദേശയാത്രയുടെ വിവരങ്ങള്‍ ഹാജരാക്കണമെന്ന്‌ കേന്ദ്രമന്ത്രിമാര്‍ക്ക്‌ പ്രധാനമന്ത്രി നരേന്ദ്രമോദിയുടെ നിര്‍ദേശം. നോട്ടുനിരോധനമടക്കമുള്ള സര്‍ക്കാരിന്റെ പദ്ധതികളില്‍ പ്രചരണം നടത്തിയത്‌ പരിശോധിക്കാനാണ്‌ നടപടി.
അടുത്തിടെ നടന്ന ക്യാബിനറ്റ്‌ യോഗത്തിലാണ്‌ മോദി ഇത്തരമൊരു നിര്‍ദേശം നല്‍കിയത്‌. തിങ്കളാഴ്‌ച തന്നെ വിവരങ്ങള്‍ സമര്‍പ്പിക്കണമെന്നാണ്‌ നിര്‍ദേശം.