Image

ജിഷ്‌ണുവിന്റെ വീട്‌ സന്ദര്‍ശിക്കും; മുഖ്യമന്ത്രി

Published on 24 February, 2017
ജിഷ്‌ണുവിന്റെ വീട്‌ സന്ദര്‍ശിക്കും; മുഖ്യമന്ത്രി

തൃശൂര്‍: പാമ്പാടി നെഹ്‌റു കോളജിലെ വിദ്യാര്‍ഥിയായിരുന്ന ജിഷ്‌ണുവിന്റെ വീട്‌ സന്ദര്‍ശിക്കുമെന്ന്‌ പിണറായി വിജയന്‍. മരണവുമായി ബന്ധപ്പെട്ട കാര്യങ്ങളില്‍ ജിഷ്‌ണുവിന്റെ അമ്മയുടെ പ്രതികരണം വൈകാരികമാണെന്നും അദ്ദേഹം അഭിപ്രായപ്പെട്ടു.

ജിഷ്‌ണുവിന്റെ മരണവുമായി ബന്ധപ്പെട്ട്‌ മുഖ്യമന്ത്രി സ്വീകരിച്ച നിലപാടിനെ വിമര്‍ശിച്ച്‌ ജിഷ്‌ണുവിന്റെ അമ്മ മഹിജ രംഗത്തുവന്നിരുന്നു. മൂന്നു തവണ കത്തയച്ചിട്ടും പിണറായി ഒരിക്കല്‍പോലും മറുപടി നല്‍കിയിട്ടില്ലെന്നും മഹിജ ചൂണ്ടിക്കാട്ടിയിരുന്നു.

സംഭവവുമായി ബന്ധപ്പെട്ട്‌ തങ്ങളെ നേരിട്ട്‌ വിളിച്ച്‌ ഒരിക്കല്‍പോലും കാര്യം തിരക്കിയിട്ടില്ലെന്നും ജിഷ്‌ണുവിന്റെ വീടിനടുത്ത്‌ പരിപാടിക്കെത്തിയ മുഖ്യമന്ത്രി വീട്ടിലേക്കു വരുമെന്ന്‌ കരുതിയെന്നും എന്നാല്‍ അദ്ദേഹം വന്നില്ലെന്നും മഹിജ ചൂണ്ടിക്കാട്ടിയിരുന്നു.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക