പത്ത്‌ ദിവസം കസ്റ്റഡിയില്‍ വേണമെന്നായിരുന്നു പൊലീസ്‌ ആവശ്യപ്പെട്ടത്‌. എന്നാല്‍ എട്ട്‌ ദിവസം മാത്രമാണ്‌ കോടതി അനുവദിച്ചത്‌. സുനിക്കായി അഡ്വ. ആളൂര്‍ ഹാജരാകുമെന്ന്‌ റിപ്പോര്‍ട്ടുകളുണ്ടായിരുന്നെങ്കിലും അഡ്വ ഇ.സി പൗലോസ്‌ തന്നെയാണ്‌ കോടതിയില്‍ ഹാജരായത്‌.

നടിയുടെ ചിത്രങ്ങള്‍ പകര്‍ത്തിയ മൊബൈല്‍ പ്രതികളില്‍ നിന്ന്‌ പൊലീസിന്‌ കണ്ടെത്താനായിട്ടില്ല. മൊബൈല്‍ ഫോണ്‍ കണ്ടെത്തേണ്ടത്‌ കേസ്‌ അന്വേഷണത്തില്‍ നിര്‍ണായകമാണെന്നും അതിനാല്‍ പ്രതികളെ കസ്റ്റഡിയില്‍ വിട്ടുനല്‍കണമെന്നുമായിരുന്നു പൊലീസ്‌ ആവശ്യപ്പെട്ടിരുന്നത്‌.

കോടതിയില്‍ നിന്ന്‌ മടങ്ങവേ മാധ്യമങ്ങളോട്‌ സംസാരിച്ച സുനി കേസിന്റെ ആവശ്യമില്ലാത്ത വാര്‍ത്തകള്‍ ഒരുപാട്‌ പേരെ ബുദ്ധിമുട്ടിക്കുകയാണെന്നു പറഞ്ഞു.