വാഷിംഗ്ടണ്: അമേരിക്കയില് നികുതി
റിട്ടേണുകള് സമര്പ്പിക്കേണ്ട സമയമാണ്. അവസാന തീയതി ഏപ്രില് 15- ആണ്.
ജീവനക്കാര്ക്ക് 2016-ല് ലഭിച്ച വേതനങ്ങളും മറ്റു വിവരങ്ങളും തൊഴിലുടമകള്
മിക്കവാറും നല്കിക്കഴിഞ്ഞു. കഴിഞ്ഞ വര്ഷം ആരംഭിച്ച ഒരു തട്ടിപ്പ് വളരെ
വിപുലമായ തോതില് ഈവര്ഷം നടക്കുന്നതായി ഇന്റേണല് റവന്യൂ സര്വീസ്
(ഐ.ആര്.എസ്) അറിയിക്കുന്നു.
ചില സ്ഥാപനങ്ങളിലെ പേ റോള് വിഭാഗത്തിന് ആ സ്ഥാപനങ്ങളിലെ മറ്റ്
ഡിപ്പാര്ട്ട്മെന്റുകളില് നിന്നാണെന്ന ഭാവേന ഇമെയിലുകള് അയയ്ക്കുന്നു.
ജീവനക്കാരുടെ സോഷ്യല് സെക്യൂരിറ്റി നമ്പര്, വേതനം, മറ്റു വിവരങ്ങള്
എന്നിവയാണ് ഇമെയിലിലൂടെ ആവശ്യപ്പെടുന്നത്. ഇമെയില് വ്യാജമാണെന്നു
മനസിലാക്കാതെ ചില സ്ഥാപനങ്ങളുടെ പേ റോള് വിഭാഗം ഇമയിലിനു മറുപടി
അയച്ചുകൊടുത്തതായും ഐ.ആര്.എസ് പറയുന്നു. ഈ ഇമെയിലുകള് ആവശ്യപ്പെടുന്നത്
എല്ലാ ജീവനക്കാരുടേയും ഡബ്ല്യു.ടു ഫോമും വിവരങ്ങളുമാണ്.
2016-ല് തട്ടിപ്പ് ആരംഭിച്ചപ്പോള് വലിയ കോര്പ്പറേഷനുകളായിരുന്നു
ലക്ഷ്യം. ഈവര്ഷം വലിപ്പച്ചെറുപ്പമില്ലാതെ തിരഞ്ഞുപിടിച്ച ചില
സ്ഥാപനങ്ങള്, ടെമ്പററി സ്റ്റാഫിംഗ് സര്വീസ്, ചെയിന് റെസ്റ്റോറന്റുകള്,
ഹെല്ത്ത് കെയര്, ഷിപ്പിംഗ്- ഫ്ളൈറ്റ് കമ്പനികള് എന്നിവയിലേക്കും
തട്ടിപ്പ് വ്യാപിച്ചിട്ടുണ്ട്. ഇത്തരം ഇമെയിലുകള് ലഭിച്ചാല് ഫിഷിംഗ്
അറ്റ് ഐആര്എസ് ഡോട്ട്കോമില് വിവരം അറിയിക്കണമെന്നു ഐ.ആര്.എസ് അധികൃതര്
അറിയിച്ചു.