മിഷേലിന്റെ ഫോണും ബാഗും കണ്ടെത്തുക എന്നത്‌ കേസില്‍ നിര്‍ണായകമാണ്‌. ഏതു വിധേനയും അത്‌ കണ്ടെടുക്കാനുള്ള ശ്രമത്തിലാണ്‌ അന്വേഷണസംഘം. അതോടൊപ്പം െ്രെകംബ്രാഞ്ചിന്റെ കസ്റ്റഡിയിലുള്ള ക്രോണിന്റെ വീട്ടിലും ഛത്തീസ്‌ഗഡില്‍ താമസ സ്ഥലത്തും പൊലീസ്‌ പരിശോധന നടത്തും.

മിഷേലിന്റെത്‌ ആത്മഹത്യയാണെന്ന നിഗമനത്തില്‍തന്നെയാണ്‌ അന്വേഷണസംഘം. പൊലീസിനു ആദ്യം ലഭിച്ച സിസിടിവി ദൃശ്യത്തില്‍ മിഷേലിന്റെ സമീപത്തുകൂടി കടന്നുപോയ ബൈക്ക്‌ സംശയാസ്‌പദമായാണ്‌ കണ്ടത്‌. എന്നാല്‍, പിന്നീട്‌ ലഭിച്ച ദൃശ്യങ്ങളില്‍ ഇങ്ങനെയൊരു ബൈക്ക്‌ കണ്ടെത്താനായില്ല. അതുകൊണ്ടുതന്നെ ഇത്‌ യാദൃശ്ചികമാണെന്ന്‌ പൊലീസ്‌ കരുതുന്നു. 

ഇതേ നിഗമനത്തിലാണ്‌ െ്രെകംബ്രാഞ്ചും. ബൈക്ക്‌ കണ്ടെത്തി അക്കാര്യത്തില്‍ വ്യക്തതവരുത്തും. ഇതിനായി കൂടുതല്‍ സിസിടിവി ദൃശ്യങ്ങള്‍ പരിശോധിക്കും. ഹൈക്കോടതി ജങ്‌ഷനിലെത്തി മിഷേല്‍ നടന്നുപോകുന്ന ദൃശ്യങ്ങള്‍ െ്രെകംബ്രാഞ്ചിനു ലഭിച്ചിട്ടുണ്ട്‌. ഈ പരിസരത്തു നിന്നുള്ള കൂടുതല്‍ സിസിടിവി ദൃശ്യങ്ങള്‍ കഴിഞ്ഞദിവസം ശേഖരിച്ചു.