കണ്ണടച്ച് ഇരുട്ടാക്കുന്ന കാസ്റ്റിംഗ് കൗച്ച് പ്രമേയങ്ങള്‍:- കാസ്റ്റിംഗ് കൗച്ച് ഉണ്ടെന്ന് തുറന്ന് സമ്മതിക്കുകയും എന്നാല്‍, തങ്ങള്‍ക്ക് ഈ വക അനുഭവങ്ങളൊന്നും ഉണ്ടായിട്ടില്ലെന്നും പറയുന്നത് കേള്‍ക്കുമ്പോള്‍, വെടിക്കെട്ടുപ്പുര പൊട്ടിത്തെറിച്ച് മൊത്തം കരിഞ്ഞു ചാമ്പലായാലും ചില സിനിമകളില്‍ കാണുന്നതുപോലെ നായകന്/നായികക്ക് ഒരു തരി പൊള്ളല്‍ പോലും ഏല്‍ക്കാതെ രക്ഷപ്പെട്ട് വരുന്ന വെറും ഒരു സിനിമാറ്റിക് തന്ത്രം പോലെ തോന്നുന്നു. തന്നെയുമല്ല, സിനിമയില്‍ കാസ്റ്റിംഗ് കൗച്ച് എന്നത് നടിമാര്‍ക്ക് മാത്രമാണോ ഉള്ളത്..? ചില പുതുമുഖനടന്മാരുടെ നാണം മാറ്റാന്‍ അവരെ കൂടെ അഭിനയിക്കുന്ന നടിമാരെ വെച്ച് 'കാസ്റ്റിംഗ് കൗച്ച്' ചെയ്യിക്കാറുണ്ടെന്ന് മുന്‍പ്ഏതോ ഒരു സിനിമാ വാരികയില്‍ വായിച്ചിട്ടുണ്ട്. കൂടാതെ, സിനിമയിലെ നഗ്‌നതാ പ്രദര്‍ശനത്തിനും കിടപ്പറ-പ്രണയരംഗങ്ങള്‍ക്കും അഭിനയിക്കേണ്ട നടീ-നടന്മാര്‍ക്ക് എഴുതിവെച്ച സ്‌ക്രിപ്റ്റിന്റെ കോപ്പി മാത്രം കൊടുത്താല്‍ ആ സിനിമയുടെ നിര്‍മ്മാതാവ് കുത്തുപാള എടുക്കേണ്ടി വരുമെന്നും കേട്ടിട്ടുണ്ട്. ഏതൊരു രംഗത്തായാലും/ തൊഴിലിലായാലും അതിന് അതിന്റേതായ പരിശീലനങ്ങളും പ്രയാസങ്ങളും ഉണ്ടാകും. അത് അംഗീകരിക്കാനുള്ള മനസ്സും ആര്‍ജ്ജവബുദ്ധിയും തങ്ങള്‍ക്കില്ലെന്ന് വൃഥാ വിശ്വസിക്കുന്നിടത്തോളം കാലം 'പാപ്പരാസി' പത്രപ്രവര്‍ത്തനത്തിന് ഇനിയും നല്ല വളക്കൂറുള്ള മണ്ണായി മാറിക്കൊണ്ടിരിക്കുകയല്ലേ നമ്മുടെ പ്രബുദ്ധകേരളം..? Read More: https://www.facebook.com/sathish.kalathil/posts/1808610675842569