നടി വിനയ സംവിധാനരംഗത്തേയ്ക്ക്
Published on 02 April, 2017
വിനയ പ്രസാദ് എന്ന നടിയുടെ പേര് കേള്‍ക്കുമ്പോഴെ മണിച്ചിത്രത്താഴിലെ ശ്രീദേവിയെയാണ് എല്ലാവര്‍ക്കും ഓര്‍മ്മ വരിക. കന്നഡക്കാരിയാണെങ്കിലും മലയാളത്തില്‍ വിനയ ഒരുപാട് സിനിമയില്‍ അഭിനയിച്ചിട്ടുണ്ട്.
അഭിനയത്തിന് പുറമെ മറ്റൊരു ചുവടുവെപ്പുമായി മുന്നോട്ട് എത്തുകയാണ് നടിയിപ്പോള്‍. വിനയയുടെ അടുത്ത ലക്ഷ്യം സംവിധാനമാണ്. ‘ലക്ഷ്മി നാരായണാര പ്രപാഞ്ചനേ ബേരേ’ എന്ന് പേരിട്ടിരിക്കുന്ന കന്നഡ ചിത്രത്തിലാണ് നടി സംവിധായകയാവുന്നത്.
ഏപ്രില്‍ 20 ന് ചിത്രീകരണം പൂര്‍ത്തിയാക്കുന്ന ചിത്രത്തിന് വിനയയുടെ ഭര്‍ത്താവ് ജ്യോതി പ്രകാശാണ് തിരക്കഥയെഴുതിയിരിക്കുന്നത്. ഈ സിനിമ തനിക്കൊരു ചലഞ്ചാണെന്നാണ് നടി പറയുന്നത്.
മാത്രമല്ല തനിക്ക് പൂര്‍ണ പിന്തുണയുമായി ഭര്‍ത്താവും നല്ലൊരു ടെക്‌നിക്കല്‍ ടീമും കൂടെയുണ്ടെന്നും നടി പറയുന്നു.വിനയയുടെ സംവിധാനത്തിലെ അരങ്ങേറ്റ ചിത്രമായതിനാല്‍ ബജറ്റ് കുറഞ്ഞൊരു കോമഡി സിനിമയാണ് തയ്യാറാക്കുന്നതെന്നാണ് നടി പറയുന്നത്. മാത്രമല്ല ചിരിയുടെ മാലപ്പടക്കം തീര്‍ക്കാന്‍ സിനിമക്ക് കഴിയുമെന്ന വിശ്വാസത്തിലാണ് താരം. സിനിമയില്‍ ആക്ഷന്‍ രംഗങ്ങളൊന്നുമില്ലെന്നും നല്ലൊരു സോഷ്യല്‍ മെസേജ് സിനിമ നല്‍കുമെന്നും വിനയ പറയുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala