കൊച്ചി: മലയാള സിനിമ ഇന്‍ഡസ്‌ട്രിയിലെ പ്രമുഖ മ്യൂസിക്‌ ലേബല്‍ ആയ മ്യൂസിക്‌247, ആസിഫ്‌ അലി - ഭാവന ചിത്രം 'അഡ്വഞ്ചേഴ്‌സ്‌ ഓഫ്‌ ഓമനക്കുട്ടന്‍'ലെ രണ്ടാമത്തെ സോങ്ങ്‌ വീഡിയോ റിലീസ്‌ ചെയ്‌തു. `തനിയെ തനിയെ` എന്ന ഈ ഗാനം ആലപിച്ചിരിക്കുന്നത്‌ സുജിത്‌ സുരേശനും ചാള്‍സ്‌ നസാരെത്തും ചേര്‍ന്നാണ്‌. ഹരിനാരായണന്‍ ബി.കെയുടെ വരികള്‍ക്ക്‌ ഡോണ്‍ വിന്‍സെന്റ്‌ ഈണം പകര്‍ന്നിരിക്കുന്നു.

രോഹിത്‌ വി എസ്‌ സംവിധാനം നിര്‍വഹിച്ച 'അഡ്വഞ്ചേഴ്‌സ്‌ ഓഫ്‌ ഓമനക്കുട്ടന്‍' എന്ന ചിത്രത്തില്‍ അജു വര്‍ഗീസ്‌, ശ്രിന്ദ, സൈജു ഗോവിന്ദ കുറുപ്‌ എന്നിവരും അഭിനയിക്കുന്നുണ്ട്‌. സമീര്‍ അബ്ദുള്‍ തിരക്കഥയും സംഭാഷണവും ഒരുക്കിയിരിക്കുന്നു. ഛായാഗ്രഹണം അഖില്‍ ജോര്‍ജും ചിത്രസംയോജനം ലിവിങ്‌സ്റ്റണ്‍ മാത്യുവുമാണ്‌ നിര്‍വഹിച്ചിരിക്കുന്നത്‌.