ന്യൂഡല്‍ഹി : ഒരുമാസം പിന്നിട്ടിട്ടും തങ്ങളുടെ സമരത്തെ പ്രധാനമന്ത്രിയും കേന്ദ്രസര്‍ക്കാരും അവഗണിക്കുന്നതില്‍ പ്രതിഷേധിച്ച്‌ തമിഴ്‌നാട്ടിലെ കര്‍ഷകര്‍ മൂത്രം കുടിച്ച്‌ പ്രതിഷേധിച്ചു. ഡല്‍ഹിയില്‍ പ്രക്ഷോഭം തുടരുന്ന തമിഴ്‌നാട്ടിലെ കര്‍ഷകരാണ്‌ മൂത്രം കുടിച്ച്‌ പ്രതിഷേധിച്ചത്‌.

മൂത്രം ശേഖരിച്ച കുപ്പികളുമായാണ്‌ കര്‍ഷകര്‍ സമരരംഗത്തെത്തിയത്‌. മൂത്രം കുടിക്കാന്‍ അനുവദിക്കില്ലെന്ന്‌ പൊലീസ്‌ നിലപാടെടുത്തതോടെ പ്രദേശത്ത്‌ സംഘര്‍ഷാവസ്ഥയായി. തുടര്‍ന്ന്‌ സമരനേതാവ്‌ അയ്യാക്കണ്ണ്‌ ഉള്‍പ്പെടെയുള്ളവരെ ചര്‍ച്ചയ്‌ക്കായി പൊലീസ്‌ സ്റ്റേഷനിലേക്ക്‌ കൊണ്ടുപോയി. എന്നാല്‍, ഇവര്‍ തിരിച്ചെത്തുന്നതിനു മുമ്പ്‌ തന്നെ രണ്ടു കര്‍ഷകര്‍ മൂത്രം കുടിച്ചു.