ഓക്ക്ലാൻഡ്: ലോക മാസ്റ്റേഴ്സ് ഗെയിംസിൽ 100 മീറ്റർ ഓട്ടമത്സരത്തിൽ 101 കാരനായ മൻ കൗർ സ്വർണ മെഡൽ കരസ്ഥമാക്കി. തിങ്കളാഴ്ച ന്യൂസിലാൻഡിലെ ഓക്ക്ലാൻഡിലായിരുന്നു മത്സരം. ഛഢീഗഡ് സ്വദേശിയാണ് കൗർ.
കൗറിന്റെ കരിയറിലെ 17-ാം മതെ സ്വർണമെഡലായിരുന്നു ഇത്. ഒരു മിനിറ്റും 14 സെക്കന്റും കൊണ്ടാണ് കൗർ 100 മീറ്റർ പൂർത്തിയാക്കിയത്. 2009 ലെ ഉസൈൻ ബോൾട്ട് സ്ഥാപിച്ച ലോക റിക്കാർഡിനേക്കാൾ 64.42 സെക്കന്റ് അധികസമയം എടുത്താണ് കൗർ ഓട്ടം പൂർത്തിയാക്കിയത്. മത്സരം ആസ്വദിച്ചെന്നും താൻ വളരെ സന്തോഷവാനാണെന്നും മത്സരശേഷം കൗർ പറഞ്ഞു. ഓട്ടം നിർത്തുകയില്ല. ഇനിയും മത്സരങ്ങളിൽ പങ്കെടുക്കുമെന്നും പരിശീലനം തുടരുമെന്നും കൗർ വ്യക്തമാക്കി