സെക്‌സ് ടച്ചുള്ള സിനിമകള്‍ക്ക് മാര്‍ക്കറ്റുണ്ടായിരുന്നതിനാല്‍ എന്നെയും അതിന് കരുവാക്കി ; വിധുബാല പറയുന്നു
Published on 26 April, 2017
1981 ല്‍ അഭിനയം എന്ന ചിത്രത്തിലാണ് വിധുബാല അവസാനമായി അഭിനയിച്ചത്. അതിന് ശേഷം വെള്ളിത്തിരയിലേക്ക് വിധുബാല എത്തിയിട്ടില്ല. പൊടുന്നനെ അഭിനയം ഉപേക്ഷിക്കാനുള്ള കാരണമാണ് വിധുബാല ഇപ്പോള്‍ വെളിപ്പെടുത്തിയത്.
മലയാള സിനിമയ്ക്ക് മോശമായ അഭിപ്രായം വന്ന സമയമായിരുന്നു അത്. സെക്‌സ് ടച്ചുള്ള സിനിമകള്‍ക്ക് കേരളത്തിന് പുറത്ത് നല്ല മാര്‍ക്കറ്റായിരുന്നു. അതിന് തന്നെയും മുതലാക്കുകയായിരുന്നു. സൈക്കോ എന്ന സിനിമയില്‍ ക്യാരക്ടര്‍ റോളിലാണ് ഞാന്‍ അഭിനയിച്ചിരുന്നത്. പക്ഷേ ഞാന്‍ അഭിനയിക്കാത്ത സീനുകള്‍ പോലും മോശമായ രീതിയില്‍ കട്ടൗട്ടാക്കി സിനിമയില്‍ ഉള്‍പ്പെടുത്തി പ്രദര്‍ശിപ്പിക്കുകയായിരുന്നു.
സിനിമ കണ്ടിട്ട് പലരും വിളിക്കാന്‍ തുടങ്ങി. എല്ലാവരോടും മറുപടി പറഞ്ഞ് മടുത്തു. പിന്നീട് അഭിനയിക്കണമെന്ന് തോന്നിയില്ല. അതിന് മുന്‍പും അഭിനയത്തില്‍ നിന്നും മാറി നില്‍ക്കണമെന്ന് തോന്നിയിരുന്നു. ഈ സംഭവം കൂടി ആയതോടെ നിര്‍ത്തിക്കളയാമെന്ന് തന്നെ തീരുമാനിക്കുകയായിരുന്നു. – വിധുബാല പറയുന്നു.
സിനിമാ അഭിനയം ഉപേക്ഷിച്ചെങ്കിലും മിനി സ്‌ക്രീനില്‍ വിധുബാല ഇപ്പോഴും ഉണ്ട്. അമൃത ടെലിവിഷനിലെ കഥയല്ലിത് ജീവിതം എന്ന പരിപാടിയുടെ അവതാരികയാണ് വിധുബാലയിപ്പോള്‍.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala