സല്മാന് ഖാന്റെ ബിസിനസ് മാനേജരായിരുന്നു രേഷ്മ ഷെട്ടി. സല്മാന്റെ ബിസിനസ് കാര്യങ്ങളും മറ്റ് പണമിടപാടുകളുമെല്ലാം നന്നായി തന്നെ കൊണ്ടു പോവാന് രേഷ്മക്ക് കഴിഞ്ഞിരുന്നു. ഒപ്പം താരത്തിന്റെ സിനിമയും സ്റ്റേജ് ഷോകളും കൃത്യത്തിന് നടത്തിയിരുന്നു.രേഷ്മ തന്റെ കൃത്യ നിര്വഹണത്തില് വീഴ്ച വരുത്തിയെന്ന് ആരോപിച്ചാണ് ജോലിയില് നിന്നും പിരിച്ചു വിട്ടത്. ഇക്കാര്യം സല്മാന് തന്നെയാണ് വ്യക്തമാക്കിയത്.പതിനാല് വര്ഷം വിശ്വസ്തയായി ജോലി ചെയ്തിരുന്ന രേഷ്മയെ പിരിച്ചു വിടുന്നതിന് പ്രത്യേക കാരണങ്ങളുമുണ്ടായിരുന്നെന്നാണ് പുറത്തുവന്ന പുതിയ റിപ്പോര്ട്ടുകളില് പറയുന്നത്.
ഒരു ടെലിവിഷന് പരിപാടിയില് സൊഹൈലിനൊപ്പം കോമഡി പരിപാടി അവതരിപ്പിക്കാന് സല്മാന് ക്ഷണമുണ്ടായിരുന്നു. എന്നാല് രേഷ്മ അതിന് അനുവധിച്ചിരുന്നില്ല. സല്മാന് ഖാന് ‘ഛോട്ടെ മിയന്’ എന്ന പരിപാടിയില് അഭിപ്രായങ്ങള് രേഖപ്പെടുത്തുന്നതിനായി അതിഥിയായി വരണമെന്നായിരുന്നു സൊഹൈലിന്റെ ആവശ്യം.തന്റെ മാനേജരുടെ ഇത്തരം നീക്കങ്ങള് സല്മാന് ഖാന് അറിഞ്ഞിരുന്നില്ല. എന്നാല് ഇക്കാര്യം സൊഹൈല് കൂട്ടുകാരുടെയിടയില് പരാതിയായി പറയുകയായിരുന്നു. അത് സല്മാന് അറിഞ്ഞതോടെ മാനേജരെ പിരിച്ചുവിടാന് തീരുമാനിക്കുകയായിരുന്നു.