1200 കോടി പിന്നിട്ട ബാഹുബലി ദ കണ്ക്ലൂഷന്റെ കളക്ഷന്റെ 50 ശതമാനവും നേടിയത് ചിത്രത്തിന്റെ ഹിന്ദി പതിപ്പാണ്. തെലുങ്കിലും തമിഴിലുമായി ചിത്രീകരിച്ച ചിത്രം ഹിന്ദിയിലും മലയാളത്തിലും മൊഴിമാറ്റി എത്തിയിരുന്നു. തെലുങ്ക് പതിപ്പ് 25 ശതമാനവും തമിഴ് പതിപ്പ് 15 ശതമാനവും മലയാളം പതിപ്പ് 10 ശതമാനവും നേട്ടമുണ്ടാക്കി.
ഇന്ത്യന് സിനിമയുടെ ചരിത്രത്തില് 1000 കോടി ബോക്സ് ഓഫീസ് കളക്ഷന് എന്നത് അസാദ്ധ്യമായതെന്ന് തോന്നിപ്പിച്ച സംഖ്യയാണ്. ചുരുങ്ങിയ ദിവസം കൊണ്ടാണ് ബാഹുബലി ആ നേട്ടത്തിലേക്ക് എത്തിയത്. ഇതിനകം 1200 കോടി പിന്നിട്ട ചിത്രം 1500 എന്ന കടമ്പ വൈകാതെ മറികടക്കുമെന്നാണ് പ്രതീക്ഷ.