കോഴിക്കോട്: കന്നുകാലി കശാപ്പ് നിരോധിച്ചുകൊണ്ടുള്ള
കേന്ദ്രസര്ക്കാറിന്റെ വിജ്ഞാപനത്തിനെതിരെ വിവിധ കോണുകളില് നിന്ന് പ്രതിഷേധം
ശക്തമാകുന്നു. കന്നുകാലികളുടെ കശാപ്പ് നിര്ത്തുന്നു എന്നതിന്റെ അര്ത്ഥം
ഇന്ത്യയിലെ ജനാധിപത്യം നിര്ത്തുന്നു എന്നാണെന്ന് ഡി.സി.സി പ്രസിഡന്റ് ടി.
സിദ്ദിഖ് പ്രതികരിച്ചു. ഫേസ്ബുക്കിലൂടെയാണ് അദ്ദേഹം പ്രതികരിച്ചത്.
ഈ
നിരോധനം സംസ്ഥാനത്തിന്റെ അധികാരമായിരിക്കെ ഫെഡറല് സംവിധാനത്തെ തകര്ക്കുന്ന
സമീപനമാണ് സര്ക്കാറിന്റേത്. പശുവിനെ സംരക്ഷിക്കുന്നു എന്ന മറവില് കാളയും
പോത്തും നിയന്ത്രിക്കുന്നതിനു പിന്നില് ആര്.എസ്.എസ് അജണ്ട
നടപ്പിലാക്കുകയാണെന്നും അദ്ദേഹം പറഞ്ഞു.
ഇത് കോടതിയില് നിലനില്ക്കില്ല എന്ന്
ബോധ്യമുണ്ടെങ്കിലും രാഷ്ട്രീയമായി ഈ വിജ്ഞാപനം ഉപയോഗിക്കാനുള്ള തന്ത്രമാണു. ഞങ്ങള്
നിരോധിച്ചു, പക്ഷെ കോടതി തടഞ്ഞു എന്ന് വിലപിക്കാനുള്ള തന്ത്രം. മോഡി കന്നുകാലി
കശാപ്പ് നിര്ത്തുന്നു എന്നതിന്റെ അര്ത്ഥം ഇന്ത്യയിലെ ജനാധിപത്യം നിര്ത്തുന്നു
എന്ന് തന്നെയാണെന്നും അദ്ദേഹം പറഞ്ഞു