ഇൻഡ്യ മുഴുവനായി ബീഫ് നിരോധിച്ചുവെന്നുള്ള വാർത്ത മാദ്ധ്യമങ്ങളുടെ അർദ്ധസത്യങ്ങൾ നിറഞ്ഞ ഒരു സൃഷ്ടി മാത്രമാണ്. റംസാൻ പ്രമാണിച്ച് മുസ്ലിമുകളെ ഇളക്കാൻ കണ്ട ഒരു വ്യാജ വാർത്തയായി ഇതിനെ കണക്കാക്കണം. സർക്കാരിനെതിരെ ജനത്തെ പ്രകോപിപ്പിക്കുകയെന്നത് ചില തല്പര കക്ഷികളുടെ ആവശ്യവുമാണ്.  

1960-ൽ നെഹ്‌റു പ്രധാന മന്ത്രിയായിരുന്ന സമയം സുപ്രീം കോടതിയിൽ ഒരു വിധിയുണ്ടായിരുന്നു. ആ വിധിയനുസരിച്ച് 'കാർഷിക മേഖലകളിൽ മൃഗങ്ങളെ വിൽക്കുകയും വാങ്ങുകയും കശാപ്പുചെയ്യുകയും നിരോധിച്ചിരിന്നു. വിധി നടപ്പിലാക്കേണ്ടത് സംസ്ഥാന സർക്കാരുകളായിരുന്നു. ഇന്ത്യയിലെ ഭൂരിഭാഗം സംസ്ഥാനങ്ങളും വിധി നടപ്പിലാക്കിയിരുന്നെങ്കിലും കേരളം പോലുള്ള ഏതാനും സംസ്ഥാനങ്ങൾ  വിധിയെ നാളിതുവരെ പരിഗണിച്ചിരുന്നില്ല. ആരോ പെറ്റിഷൻ കൊടുത്ത പ്രകാരം വിധി പ്രായോഗികമാക്കണമെന്ന് സുപ്രീം കോടതിയിൽനിന്നും നോട്ടീസുണ്ടായിരുന്നു. അല്ലാതെ ഓർഡർ മോഡി സർക്കാരിന്റെയല്ല.  

വിധിയുടെ നിയമം അനുസരിച്ച് അനധികൃതമായി കന്നുകാലികളെ കൊല്ലാൻ പാടില്ലാന്നാണ്. അതിന്റെ അർഥം അധികൃതമായി കൊല്ലാമെന്നാണ്. ആധികാരികമായി ലൈസൻസുള്ള അറവു ശാലകൾക്ക് കന്നുകാലികളെ കൊല്ലുകയും വിൽക്കുകയും വാങ്ങുകയും ചെയ്യാം. വീട്ടിൽ വളർത്തുന്ന മൃഗങ്ങളെയും കൊല്ലുന്നതിനും  ഭക്ഷിക്കുന്നതിനും  നിയന്ത്രണമില്ല. രോഗം ബാധിച്ച കന്നുകാലികളെയും അഴുകിയ മാംസം വില്പനക്കാരെയും നിയന്ത്രിക്കുന്നതിനുള്ള ഒരു നിയമം കൂടിയാണിത്. 

രാജ്യത്ത് ഒരു നിയമം ഒറ്റ ദിവസംകൊണ്ടു നിർമ്മിക്കാൻ സാധിക്കില്ല. നിയമങ്ങൾ ഉണ്ടാകണമെങ്കിൽ പാർലിമെന്റിൽ ബില്ല് കൊണ്ടുവന്നു പാസാക്കണം. നരേന്ദ്ര മോഡിയെ പ്രതിയാക്കിക്കൊണ്ടു ബീഫ് നിരോധിച്ചുവെന്നും പറഞ്ഞു സോഷ്യൽ മീഡിയാകളും മാതൃഭൂമി പത്രം വരെയും പ്രചരണം നടത്തുന്നു. പ്രബലമായ സമുദായങ്ങളെ തമ്മിൽ വഴക്കടിപ്പിച്ചുകൊണ്ട് രാഷ്ട്രീയ നേട്ടങ്ങൾ കൊയ്യണമെന്ന ചിന്തകളാണ് പത്രങ്ങൾക്കും പ്രതിപക്ഷ പാർട്ടികൾക്കുമുള്ളത്. അത് ജനാധിപത്യത്തിന് കളങ്കം വരുത്തും. 

1960-ലെ സുപ്രീം കോടതി വിധി ഇൻഡ്യ മുഴുവൻ നടപ്പിലാക്കാൻ ബാധ്യസ്ഥമായിരിക്കെ കോടതി വിധിക്കെതിരെ കേന്ദ്ര സർക്കാരിന് യാതൊന്നും ചെയ്യാൻ സാധിക്കില്ല. സെൻ കുമാറിനെ സർക്കാർ പുനർ നിയമനം നടത്തിയതെന്തെന്ന ചോദ്യത്തിനുത്തരം കോടതി വിധിയെന്ന് മാത്രമേയുള്ളൂ. 

വ്യവസായങ്ങൾക്കും ഫാക്ടറികൾക്കും മൃഗങ്ങൾ ആവശ്യമാണ്. നാം ഉപയോഗിക്കുന്ന പഞ്ചസാരയുടെ വെളുപ്പ് നിറത്തിനു കാരണവും മൃഗങ്ങളുടെ എല്ലുപൊടിയാണ്. മരുന്നുകൾക്കായി ഉപയോഗിക്കുന്ന ക്യാപ്സ്യൂൾ പോലും മൃഗങ്ങളുടെ കൊഴുപ്പിൽ നിന്ന് ഉണ്ടാക്കുന്നതാണ്. ഒരു സുപ്രഭാതത്തിൽ ബീഫ് നിരോധിച്ചുവെന്ന് സർക്കാർ പറഞ്ഞാൽ ഇവിടുത്തെ തുകൽ വ്യവസായവും കാർഷിക മേഖലകളും തകരും. അതുകൊണ്ടു സർക്കാർ ബീഫ് നിരോധിച്ചുവെന്നത് വെറും പൊള്ളയായ വാർത്തയാണ്. 

ഇത്തരം വാർത്തകളിറക്കി എന്തിനു മതസൗഹാർദ്ദം നശിപ്പിക്കണം? 1960-ലുള്ള കോടതി ഉത്തരവിന് മോഡി സർക്കാരുമായി എന്ത് ബന്ധം? (കടപ്പാട്: ഫേസ് ബുക്ക്)