തൃശൂര്‍: മകളുടെ വിവാഹം ആഡംബരപൂര്‍വം നടത്തിയ സംഭവത്തില്‍ ഗീത ഗോപി എം.എല്‍.എയെ സി.പി.ഐ തൃശൂര്‍ ജില്ലാ എക്‌സിക്യൂട്ടീവ്‌ താക്കീത്‌ ചെയ്‌തു. ജില്ലാ കൗണ്‍സിലിനോട്‌ സംസ്ഥാന എക്‌സിക്യൂട്ടിവ്‌ വിശദീകരണം തേടാന്‍ ആവശ്യപ്പെട്ടതിന്‌ പിന്നാലെയാണ്‌ ജില്ല എക്‌സിക്യൂട്ടീവിന്റെ നടപടി.

പാര്‍ട്ടി നിലപാടിന്‌ വിരുദ്ധമായി നടന്ന വിവാഹത്തിനെതിരെ സി.പി.ഐയിലെ ഒരു വിഭാഗം സംസ്ഥാന നേതൃത്വത്തിന്‌ പരാതിയും നല്‍കിയിരുന്നു. ഇതേ തുടര്‍ന്നാണ്‌ നടപടി.

ലക്ഷങ്ങള്‍ വില വരുന്ന ആഭരണങ്ങള്‍ അണിഞ്ഞ്‌ നില്‍ക്കുന്ന ഗീത ഗോപിയുടെ മകളുടെ വിവാഹ ഫോട്ടോകള്‍ നവമാധ്യമങ്ങളില്‍ പ്രചരിച്ചതോടെയാണ്‌ വിവാദം ആരംഭിച്ചത്‌. വിഷയത്തില്‍ ഗീതയെ വിമര്‍ശിച്ച്‌ നിരവധി പേര്‍ രംഗത്തെത്തിയിരുന്നു.