Image

എംബിബിഎസ്‌ പരീക്ഷാ ഫലം ചോര്‍ന്നെന്നു പരാതി

Published on 20 June, 2017
എംബിബിഎസ്‌ പരീക്ഷാ ഫലം ചോര്‍ന്നെന്നു പരാതി


കണ്ണൂര്‍: എംബിബിഎസ്‌ പരീക്ഷാ ഫലം ചോര്‍ന്നതായി പരാതി. 2012 എംബിബിഎസ്‌ ബാച്ചിന്റെ പരീക്ഷാഫലം ഇന്ന്‌ പ്രഖ്യാപിക്കാനിരിക്കെയാണ്‌ ചോര്‍ന്നതായി പരാതി ഉയര്‍ന്നത്‌. 

ഇതേ തുടര്‍ന്നു പരിയാരം സഹകരണ മെഡിക്കല്‍ കോളജിലെ എംബിബിഎസ്‌ വിദ്യാര്‍ഥികള്‍ ആരോഗ്യ സര്‍വകലാശാലയ്‌ക്കും മന്ത്രി കെ കെ ശൈലജയ്‌ക്കും പരാതി നല്‍കി.

തിങ്കളാഴ്‌ച വൈകിട്ടുതന്നെ എറണാകുളം ജില്ലയിലെ പ്രശസ്‌തമായ സ്വകാര്യ മെഡിക്കല്‍ കോളജിന്റെ വെബ്‌സൈറ്റില്‍ ഫലം പ്രസിദ്ധീകരിച്ചിരുന്നു. 

 പരീക്ഷയില്‍ മെഡിക്കല്‍ കോളജിനു വന്‍ വിജയം എന്ന രീതിയില്‍ പ്രസിദ്ധീകരിച്ച ഫലം ശ്രദ്ധയില്‍പ്പെട്ടതിനെ തുടര്‍ന്നാണു വിദ്യാര്‍ഥികള്‍ പരാതിയുമായി രംഗത്തെത്തിയത്‌.

ആരോഗ്യ സര്‍വകലാശാലയുടെ വെബ്‌സൈറ്റ്‌ വഴിയാണ്‌ ഫലം ചോര്‍ന്നതെന്നാണു സൂചന. 
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക