പതിനൊന്നു കൊല്ലമായി, നോമ്പ് മുടങ്ങാതെ നോക്കുന്ന സലിംകുമാര്‍ പറയുന്നത്
Published on 24 June, 2017
കഴിഞ്ഞ പതിനൊന്നു കൊല്ലമായി, 27ാം നോമ്ബ് മുടങ്ങാതെ നോക്കുന്ന നടനാണ് സലിം കുമാര്‍. റംസാന്‍ വ്രതത്തിന്റെ വിശുദ്ധി പങ്കുവെച്ച് സലിം കുമാര്‍ പറയുന്നത്:'2006ല്‍ അച്ഛനുറങ്ങാത്ത വീട് ചെയ്യുന്ന സമയത്ത് ഉഷ ചേച്ചിയാണ് ഒരു നോമ്ബ് എടുക്കണമെന്ന് പറഞ്ഞത്. 27ാം നോമ്ബിന്റെ കാര്യവും അവരാണ് പറഞ്ഞത്. ഈ ഒരു നോമ്ബ് എടുത്താല്‍ 30 നോമ്ബ് എടുക്കുന്നതിനു തുല്യമാണെന്നും പറഞ്ഞു. പ്രത്യേകിച്ച് ഞാനൊരു മുസ്ലിം അല്ലാത്തതുകൊണ്ട്. അന്നു തുടങ്ങി എല്ലാ വര്‍ഷവും താന്‍ 27ാം നോമ്ബ് പിടിക്കുന്നുണ്ടെന്നും സലിംകുമാര്‍ പറയുന്നു.
'നോമ്ബ് എടുക്കണമെന്ന ആഗ്രഹം പണ്ടേ ഉണ്ടായിരുന്നു. നമ്മുടെ കൂടെയുള്ള സഹോദരങ്ങള്‍ ഒരു മാസം നോമ്ബ് എടുക്കുന്നതിന് പിന്നിലുള്ള ത്യാഗങ്ങളെക്കുറിച്ച് നമുക്കും അറിയണം. അതില്‍ സുഖമുണ്ടാകും, ദുഃഖമുണ്ടാകും, വിഷമങ്ങളുമുണ്ടാകും. അത് എന്താണെന്ന് അറിയണമെന്ന ആഗ്രഹവുമുണ്ടായിരുന്നു. ഇന്നത്തെ നോമ്ബ് പിടിച്ചു കഴിഞ്ഞപ്പോള്‍ വല്ലാത്തൊരു അനുഭൂതി അനുഭവപ്പെട്ടു.'
'ഒരുപാട് നന്‍മകള്‍ അതിലുണ്ടെന്ന് തോന്നി. ലോകത്തുള്ള ബാക്കി എല്ലാത്തിനും ഒഴിവു കൊടുക്കും. നമ്മുടെ വായ്ക്ക് ഒരു റെസ്റ്റും കൊടുക്കാറില്ല. ശാസ്ത്രീയപരമായിട്ടും ആത്മീയപരമായിട്ടും ശാരീരികപരമായിട്ടും നോമ്പ് എടുക്കുന്നത് നല്ലതാണെന്നാണ് തോന്നിയിട്ടുള്ളത്. ആഹാരം കഴിക്കാതെ കുറച്ചു നേരമൊക്കെ നില്‍ക്കാറുണ്ടെങ്കിലും, ഇത് രാവിലെ മുതല്‍ വൈകുന്നേരം വരെ വിശപ്പ് എന്താണെന്ന് അറിഞ്ഞ്, വിശ്രമം കൊടുക്കാത്ത ഒരവയവത്തിന് വിശ്രമം കൊടുത്ത്, വയറിനെക്കുറിച്ചോ ആഹാരത്തെക്കുറിച്ചോ ചിന്തിക്കാത്ത ഒരു ദിവസമായിരുന്നെന്നും സലിം കുമാര്‍ പറയുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala