വായനാവാരം പൊടി പൊടിക്കുന്നുണ്ട്. ആയില്യം പാടത്തെ ;പെണ്ണെ എന്ന പാട്ടിന്റെ ഓർമ്മ പുതുക്കി എഴുത്തുകാരെ കൊയ്ത്തിനു ക്ഷണിച്ചത് രസകരമായി തോന്നി. ചിലരൊക്കെ ഒളിക്കണ്ണാൽ നോക്കുന്നുണ്ടായിരിക്കും. ഇ മലയാളിയുടെ മുറ്റത്ത് കറ്റ മെതിക്കലും നെല്ല് അളക്കലും നടക്കട്ടെ. അതായത് സാഹിത്യ സൃഷ്ടികൾ കുന്നു കൂടട്ടെ.

നർമ്മം കൊണ്ട് സുധീർ 'കപി'കളെ അടിച്ചു വീഴ്ത്തും
മർമ്മത്ത് നോക്കി കുത്തും വിദ്യാധരൻ മാഷും
എന്നാലും പെരുത്തിടുന്നു കവികളുടെ എണ്ണമങ്ങ്
നന്നാകില്ല ഇവനൊന്നും ഒരിക്കൽ പോലും

എണ്ണം പെരുകുമ്പോൾ നിയന്ത്രിച്ചിടേണം 
ദണ്ഡം പലതല്ലങ്കിലുണ്ട് കവിയതോർത്തിടേണം
കുത്തിക്കുറിച്ചിവർ വിടും കവിത വായിച്ചിടാൻ
ബദ്ധപ്പെടുന്നു അർഥം ഗ്രഹിയാതെ ഞങ്ങൾ വായനക്കാർ
ഇടിവെട്ടിയോനെ പാമ്പ് കടിച്ചപോലെ
പടച്ചു വിടുന്നു ഉടക്ക് കവിത വേറെ 
വീട്ടിൽ നടക്കും വഴക്കും അടി കലഹമെല്ലാം
കൂട്ടി ചേർത്ത് കവിതയാക്കി കുറിച്ച്  വിട്ടാൽ
നട്ടം തിരിഞ്ഞുപോം ഇ-മലയാളി വായനക്കാർ
കഷ്ടത്തിലാക്കല്ലേ സുന്ദരി കാവ്യാംഗനേയും
വിതയ്ക്കുന്നവൻ കൊയ്യും തീർച്ചതന്നെ
വിതയ്ക്കട്ടെ നല്ല വിത്തുകൾ വാരിയങ്ങ്
വിതച്ചത് വിഷവിത്താണെന്നു വന്നാൽ
അതിന്റ ഫലവും അതുപോലിരിക്കും
കുറ്റം പറയുന്നു ആയുധത്തെ എന്നുമെന്നും
ഒട്ടും പണിയറിയാത്ത പണിക്കാരനെപോൽ
കുറ്റം പറയല്ലേ ചാഴിയേയും ചാഴിക്കാടനെയും
ഒട്ടും ശരിയല്ലതൊടുവിൽ ബൂമറാങ്ങായി മാറും
ചുരുക്കുന്ന  ഞാനെന്റെ അഭിപ്രായമിങ്ങ്
ഒരുക്കുന്നുണ്ട് ഭാര്യ ചോറ് 'മീൻകറി' യുണ്ട്കൂട്ടാൻ